In the metro region of Nagpur there is no garbage disposal facility citizens suffering bad smell nmrda | Loksatta

नागपूरमधील मेट्रोरिजनमध्ये कचरा विल्हेवाटीची सुविधा नसल्याने नागरीकांना होतोय दुर्गंधीचा त्रास

जिल्हाधिकारी कार्यालयाला तीन जमिनी ‘एनएमआरडीए’ला द्याव्या लागणार आहेत. शिवाय मेट्रो रिजनमध्ये वेगवेगळ्या ठिकाणी कचरा संकलन केंद्रे उभारावी लागणार आहेत.

नागपूरमधील मेट्रोरिजनमध्ये कचरा विल्हेवाटीची सुविधा नसल्याने नागरीकांना होतोय दुर्गंधीचा त्रास
नागपूरमधील मेट्रोरिजनमध्ये कचरा विल्हेवाटीची सुविधा नसल्याने नागरीकांना होतोय दुर्गंधीचा त्रास

नागपूर : शहराला लागून असलेल्या खेड्यांमध्ये मोठ्या प्रमाणात इमारतींचे बांधकाम झाले आणि लोकवस्तीही वाढली आहे. त्या भागात नियोजनबद्ध नागरी सुविधा विकसित करण्यासाठी नागपूर महानगर प्रादेशिक विकास प्राधिकरण स्थापन करण्यात आले. परंतु, अद्यापही कचऱ्याची विल्हेवाट लावण्याची सुविधा होऊ न शकल्याने बेसा परिसरात कचऱ्याचे ढीग लागून आरोग्याच्या समस्या निर्माण होऊ लागल्या आहेत.नागपूरला लागून मोठ्या प्रमाणात घरे बांधली जात आहे. शहरापासून २५ किलोमीटपर्यंत क्षेत्राचा नियोजनबद्ध विकास करण्यासाठी नागपूर महानगर प्रदेश विकास प्राधिकरण (एनएमआरडीए) कार्यरत आहे. ७१९ गावांचा मेट्रो रिजनचा विकास आराखडा मंजूर आहे. त्यात इतर सार्वजनिक उपक्रम आणि सुविधांसाठी भूखंड आरक्षित करण्यात आले. त्यात कचरा घरासाठी (डम्पिंग यार्ड) हिंगणा तालुक्यात आरक्षित केलेल्या १०० एकर जमिनीचा समावेश आहे.

परंतु ही जमीन अद्याप ‘एनएमआरडीए’च्या ताब्यात आलेली नाही. जिल्हाधिकारी कार्यालयाला तीन जमिनी ‘एनएमआरडीए’ला द्याव्या लागणार आहेत. शिवाय मेट्रो रिजनमध्ये वेगवेगळ्या ठिकाणी कचरा संकलन केंद्रे उभारावी लागणार आहेत. परंतु सध्या अशी कुठलीच व्यवस्था झालेली नाही. त्यामुळे संबंधित ग्राम पंचायती गावातील कचरा गोळा करून विविध ठिकाणी जमा करीत आहे. त्यामुळे या नव्याने उभ्या राहिलेल्या वस्तीतील नागरिकांना दुर्गंधींचा त्रास सहन करावा लागतो. यातून आरोग्यांच्या समस्या निर्माण होत आहेत, असे जय जवान जय किसान संघटनेचे सहसचिव अभिनव फटिंग म्हणाले.याबाबत बेसाचे सरपंच सुरेंद्र बानाईत म्हणाले, बेसा गावासाठी विकास आराखड्यात कचरा संकलनासाठी भूखंड आरक्षित नाही. त्यामुळे ग्रामपंचायतीने तात्पुरती व्यवस्था म्हणून स्मशानभूमीजवळ कचरा गोळा करण्याची व्यवस्था केली. बेसा मेट्रोरिजनमध्ये येत असल्याने ‘एनएमआरडीए’ने कचरा विल्हेवाट लावण्याची व्यवस्था करावी.

हेही वाचा : ‘आठ वर्षे होऊनही मराठी भाषा धोरण का नाही’? ; श्रीपाद जोशी यांचे मुख्यमंत्र्यांना पत्र

बेसा स्मशानभूमीत कचराघर

महापालिका हद्दीपलीकडे सर्वांत वेगाने विकसित झालेले बेसा या गावातील स्मशानभूमीवर कचरा गोळा केला जात आहे. त्यामुळे स्मशानभूमी शिल्लक नाही. त्यामुळे बेसातील लोकांना अंत्यसंस्कारासाठी मानेवाडा स्मशानभूमीवर यावे लागत आहे. बेसा रोड, आराधनानगरमध्ये राहणाऱ्या नागरिकांना बेसा ग्राम पंचायतीकडून जाळलेल्या कचऱ्याचा त्रास होतो.या भागात कचऱ्याचा ढीग साचले असून तेथे डुकरांचा वावर आहे. स्वच्छ भारत अभियानाचा येथे बोजवारा उडवला जात आहे, असे भाकपचे जिल्हा सचिव अरुण वनकर यांनी सांगितले.

हेही वाचा : नागपूर : बँकेत गुंतवणूक करण्याचे आमिष दाखवून ४५ लाखांनी फसवणूक; आठ जणांविरुद्ध गुन्हा दाखल

पोही येथे नियोजन

पोही येथे ‘डम्पिंग ग्राऊंड’ करण्यात येत आहे. ती जमीन महसूल खात्याला मागितली आहे. तोपर्यंत स्वच्छ भारत अभियानाअंतर्गंत जिल्हा परिषदेने कचरा संकलनाची व्यवस्था करावी अशी सूचना करण्यात आली. बेसा येथील कचरा नजिकच्या आरक्षित जमीन संकलन केले जाईल. – मनोजकुमार सूर्यवंशी, महानगर आयुक्त, ‘एनएमआरडीए’

मराठीतील सर्व नागपूर / विदर्भ ( Nagpur ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
‘आठ वर्षे होऊनही मराठी भाषा धोरण का नाही’? ; श्रीपाद जोशी यांचे मुख्यमंत्र्यांना पत्र

संबंधित बातम्या

मुख्यमंत्र्यांच्या वाहनाचे उपमुख्यमंत्र्यांकडून सारथ्य; समृद्धी महामार्गाची शिर्डीपर्यंत पाहणी
“शिवरायांचा जन्म कोकणात’ प्रसाद लाड यांच्या वक्तव्यानंतर मुख्यमंत्री शिंदेंची प्रतिक्रिया; म्हणाले…
नागपूर : प्रियकरासह मित्राने केला तरूणीवर बलात्कार; प्रेयसीच्या तक्रारीवरून गुन्हा दाखल
गडचिरोली : आलापल्ली वन विभागाच्या ‘त्या’ दोन अधिकाऱ्यांमुळे कर्मचारी त्रस्त
“हे फक्त गडकरीच करू शकतात, तो काँग्रेसचा नेता असूनही…”, नाना पाटेकरांचं नागपुरात वक्तव्य

व्हिडिओ

ताज्या बातम्या
मुंबई: शिवरायांच्या जन्मस्थळाबाबत भाजप आमदाराचे अज्ञान; विरोधी पक्ष आक्रमक झाल्याने दिलगिरी
मुंबई: राज्य औषध व्यवसाय परिषदेला राजकीय कुरघोडीची बाधा
दुर्धर व्याधीग्रस्त रुग्णांसाठी जिल्हास्तरावर विशेष उपचार केंद्र; रुग्णांना मानसिक आधार देण्यासाठी आरोग्य विभागाकडून प्रयत्न
मुंबई: गोवरची विशेष लसमात्रा आवश्यकच ;बालरोगतज्ज्ञांचे स्पष्टीकरण
मुंबई अग्निशमन दलात लवकरच भरती