यवतमाळ : घरकुलाकरिता असलेला हप्ता मिळत नसल्याने एका तरुणाने अंगावर पेट्रोल ओतून स्वतःला पेटवून घेण्याचा प्रयत्न केला. ही घटना आज जिल्ह्यातील आर्णी पंचायत समितीमध्ये घडली. गटविकास अधिकाऱ्यांनी वेळीच हस्तक्षेप करून युवकाची समजूत काढल्याने अनर्थ टळला.

संतोष उकंडराव बुटले (रा.माळेगाव, ता. आर्णी) याचे वडील उकंडराव विश्वनाथ बुटले यांना घरकुल योजनेतून घर मिळाले. त्यासाठी १५ हजार रुपयांचा पहिला हप्ता बुटले यांना मिळाला. मात्र, दुसरा हप्ता देण्यास पंचायत समितीमधील अधिकारी टाळाटाळ करीत असल्याचा आरोप बुटले यांनी केला आहे.

yavatmal, Tehsildar car,
यवतमाळ : तहसीलदाराच्या कारने दुचाकीस उडविले, दोघांचा मृत्यू
yavatmal truck accident marathi news
यवतमाळ : दोन ट्रकची भीषण धडक, दोघांचा मृत्यू, ३०० बकऱ्या ठार
Yavatmal, police, two-wheeler thief,
यवतमाळ पोलिसांची नामी शक्कल अन् सावज अलगद जाळ्यात अडकले; दुचाकी चोरीचे…
Young Man Drowns, Yavatmal Government Swimming Pool, Swimming Pool Tragedy, First Day of Admission, Young Man Drowns in swimming pool, marathi news, yavatmal news, Young Man Drowns in Yavatmal,
यवतमाळ : शासकीय जलतरण तलावात बुडून तरुणाचा मृत्यू
gang, vandalizing vehicles,
यवतमाळात वाहनांची तोडफोड करणाऱ्या टोळीची दहशत; १५ दिवसांपासून…
Woman Strips At Petrol Pump video viral
पेट्रोल पंपावर तरुणीचे लज्जास्पद कृत्य; कर्मचाऱ्यासमोर पँट काढली अन्…; Video व्हायरल
brick kiln owner allegation on mla ravi rana for giving 70 thousand free bricks for his bungalows construction
आ. रवी राणांच्या बंगल्‍याच्‍या बांधकामासाठी मोफत ७० हजार विटा; वीटभट्टी व्‍यावसायिकांचा आरोप, म्हणाले,‘राणांनी.
Nagpur, IPS, wife,
नागपूर : आयपीएस अधिकाऱ्याच्या पत्नीची छेड काढणे पडले महागात

हेही वाचा : बुलढाण्यावर पाणी टंचाईचे सावट! येळगाव धरणात १५ टक्के जलसाठा

वडील वयोवृद्ध असल्याने त्यांना ये-जा करणे शक्य नाही. त्यामुळे दुसरा हप्ता मिळावा म्हणून संतोष याने पाठपुरावा केला. मात्र, त्यात अपयश आले. वारंवार विनंती करूनही अधिकारी दुर्लक्ष करत असल्याचा आरोप करीत त्याने आज टोकाचे पाऊल उचलले. गटविकास अधिकाऱ्यांच्या कक्षातच त्याने पेट्रोल अंगावर ओतून घेत स्वतः ला पेटवून घेण्याचा प्रयत्न केला. यावेळी गटविकास अधिकारी आर.आर.खरोडे यांनी वेळीच हस्तक्षेप करुन परिस्थिती नियंत्रणात आणली. दरम्यान, घरकुलच्या हप्ता खात्यात जमा करण्यासाठी अधिकारी, कर्मचारी पैसे मागत असल्याचा आरोप बुटले याने केला आहे. घरकुलाचे पैसे मिळावे म्हणून अनेक लाभार्थी पंचायत समितीत चकरा मारत असल्याचे चित्र आहे.

हेही वाचा : जोगन्नाचा मृत्यू नक्षलवाद्यांच्या जिव्हारी; ३० मे रोजी गडचिरोली बंदचे आवाहन

जिल्ह्यात मोठया प्रमाणात घरकुल मंजूर झाले आहेत. अनेकांची पावसाळ्यापूर्वी घर बांधण्याची लगबग सुरू आहे. मात्र अभियंते, अधिकारी पैसे घेतल्याशिवाय निधी बँकेत जमा करत नसल्याने लाभार्थी त्रस्त आहेत. या प्रकाराची जिल्हा परिषदेचे मुख्य कार्यकारी अधिकारी दखल घेतील काय, असा प्रश्न लाभार्थ्यांनी उपस्थित केला आहे.