scorecardresearch

Premium

लहान मुलांचा किरकोळ वाद, त्यात मोठ्यांची एन्ट्री अन् शेवटी एकाची हत्या…

शेजारी शेजारी राहणारी दोन लहान मुले खेळत होती. खेळताना दोघांमध्ये किरकोळ वाद झाला. मात्र या वादात घरातील मोठी मंडळी पडली त्याचा शेवट हत्या करण्यापर्यंत गेला.

one man killed after Childrens petty dispute
दिवसाढवळ्या घडलेल्या खुनाच्या घटनेने भंडारा पुन्हा एकदा हादरले आहे. (फोटो- प्रातिनिधिक छायाचित्र)

लोकसत्ता टीम

भंडारा : शेजारी शेजारी राहणारी दोन लहान मुले खेळत होती. खेळताना दोघांमध्ये किरकोळ वाद झाला. मात्र या वादात घरातील मोठी मंडळी पडली त्याचा शेवट हत्या करण्यापर्यंत गेला. दिवसाढवळ्या घडलेल्या खुनाच्या घटनेने भंडारा पुन्हा एकदा हादरले आहे. शहरातील राणी लक्ष्मीबाई वॉर्डात हलधरपुरी परिसरात युवकाने लोखंडी रॉड डोक्यात घालून वृद्धाला यमसदनी धाडले. तर मृताचा मुलगा आणि पत्नीवर प्राणघातक हल्ला केला यात ते दोघही मायलेक गंभीर जखमी झाले. ही खळबळजनक घटना गुरुवारी सायंकाळी ५.३० ते ६ वाजताच्या सुमारास घडली. शालिकराम शहारे (६५) असे मृताचे तर अक्षय साहू (२५) असे मारेकरी युवकाचे नाव आहे.

A minor girl was beaten up by goons on a bike in Jaripatka police station limits Nagpur
नागपुरात गुन्हेगार सुसाट! भरचौकात गुंडांनी तरुणीसोबत…
A ten year old girl was molested by two old men
संतापजनक! दोन वृद्धांचा दहा वर्षीय मुलीवर अत्याचार; तीन महिन्यांपासून लैंगिक शोषण
17 year old stabbed to death by two minors
दोन मित्रांनी अल्पवयीन मुलाची चाकूने भोसकून केली हत्या
Youth Arrest in Delhi Unnatural sex
अनैसर्गिक संबंध ठेवण्याच्या दबावाला कंटाळून २० वर्षांच्या मुलाने केली मित्राची हत्या

या हल्ल्यात किशोर उर्फ कालू शहारे, मीरा शालिकराम शहारे हे दोघे मायलेकसुद्धा जखमी झाले. प्राप्त माहितीनुसार राणीलक्ष्मीबाई वॉर्डातील हलधरपुरी भागात दगडीबोडी परिसरात मृतक आणि आरोपी यांची घरे एकमेकांना लागून आहेत. घरातील लहान मुले खेळत असताना त्यांच्यात किरकोळ वाद झाला. लहान मुलांच्या वादात मोठ्या माणसांनी हस्तक्षेप केला. मृतक शालिकराम शहारे आणि मारेकरी युवक अक्षय साहू याचे वडील यांच्यात जोरदार भांडण झाले. या भांडणात अक्षय साहू व शालिकराम यांचा मुलगा किशोर उर्फ कालू या दोघांनीही उडी घेतली. शाब्दिक बाचाबाचीवरून प्रकरण हमरीतुमरीवर व हातघाईवर आले.

आणखी वाचा-नागपूर- पुणे ट्रॅव्हल्सने प्रवास करणाऱ्यांची लूट थांबणार

तेवढ्यात रागाच्या भरात अक्षय घरात गेला आणि लोखंडी रॉड घेवून बाहेर आला. त्या लोखंडी रॉडने त्याने शालिकरामच्या डोक्यावर जोरदार वार केला. यात डोक्याची कवटी फुटल्याने शालिकराम जागीच गतप्राण झाला. अक्षयने लोखंडी रॉडने शालिकराम यांचा मुलगा किशोर व पत्नी मीराबाई यांच्यावरसुद्धा हल्ला करून जखमी केले व घटनास्थळावरून पसार झाला. घटनेची माहिती नागरिकांनी भंडारा पोलिसांनी दिली. पोलिसांनी घटनास्थळी दाखल होत तिघांनाही जिल्हा सामान्य रूग्णालयात हलविले. पसार झालेला आरोपी अक्षय याला तपासादरम्यान पोलिसांनी ताब्यात घेतले असून खुनाचा गुन्हा दाखल केला आहे.

आरोपी अक्षय हा एका सर्व्हीस सेंटरमध्ये काम करीत असल्याची माहिती आहे. मुलांच्या वादात हस्तक्षेप केल्याने प्रकरण विकोपाला जावून त्याचे पर्यवसान खूनाच्या घटनेत झाले. गेल्या काही महिन्यात जिल्ह्यात खूनसत्रांनी जिल्हा हादरला असून शांतता, सुरक्षा आणि सुव्यवस्थेवर प्रश्नचिन्ह लागले आहे.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: One man killed after childrens petty dispute in bhandara ksn 82 mrj

First published on: 06-10-2023 at 10:09 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×