बुलढाणा: गणेश विसर्जनासाठी गेलेला भाविक तलावात बुडाला असून त्याचा युद्धपातळीवर शोध घेण्यात येत आहे. जिल्हा पथकाने आज सकाळपासून शोध मोहिम सुरू केली असून बुडालेल्या इसमाचा थांगपत्ता लागला नसल्याचे सूत्रांनी सांगितले.
संग्रामपूर तालुक्यातील शिवणी तलावात गुरुवारी संध्याकाळी हा दुर्देवी घटनाक्रम घडला. लाडणापूर शिवार मधील राहिवासी सिद्धार्थ प्रकाश खार्गे (४५) हे विसर्जनासाठी गेले असता पाण्यात बुडाले. स्थानिक प्रशासन, पोलीस पाटील, तलाठी यांनी संध्याकाळी उशिरापर्यंत सिध्दार्थचा शोध घेतला. मात्र अंधार व तलावात असलेल्या मोठ्या जलसाठ्यामुळे शोध घेण्यात अपयश आले.
This quiz is AI-generated and for edutainment purposes only.
शुक्रवारी सकाळी जिल्हा आपत्ती व्यवस्थापन समितीचे शोध व बचाव पथक घटनास्थळी दाखल झाले. मात्र आज सकाळी ११ वाजेपर्यंत बुडालेल्या इसमाचा थांगपत्ता लागला नसल्याचे सूत्रांनी सांगितले.
