वारली चित्रकलेचा अद्भुत शालेय आविष्कार, पंतप्रधानांच्या हस्ते होणार प्रकाशन

वारली पेंटींग हा उपक्रम वर्धा जिल्हा शिक्षण व प्रशिक्षण संस्था म्हणजेच डाएटतर्फे राबविण्यात आला. आदिवासी जमातीने वारली कलेची देण समाजाला दिली आहे. सांस्कृतिक जीवनाच्या समृध्दीसाठी या आदिवासी कलेचे मोठे योगदान आहे. हा वारसा लक्षात घेवून डाएटने स्वातंत्र्याच्या अमृत महोत्सवानिमित्त बाला (बिल्डींग एज अ लर्निंग एड) उपक्रमात वारली पेंटींग उपक्रम सुरू केला होता. संस्थेच्या प्रशिक्षकांनी या कलेचे धडे दिले.

हेही वाचा… धक्कादायक! वडिलांचा अबोला सहन न झाल्याने मुलाने संपविले जीवन

शिक्षकांच्या मागणीनुसार तीन कार्यशाळा झाल्या. तसेच इतर विद्यार्थी, कोषागार कर्मचारी, कारागृहातील बंदीजन यांच्यासाठी कार्यशाळा झाली. या उपक्रमाने अशी चित्रे काढण्याचे अनुभव विद्यार्थ्यांना मिळत आहे. इयत्ता दुसरी ते सहावीच्या मराठी पाठ्यपुस्तकात वारली चित्रकलेचे धडे समाविष्ट आहे. शाळेच्या भिंतीवर, विहिरीवर, झाडाच्या बुंध्यावर, शाळेच्या फाटकावर वारली चित्रे काढण्यात आली आहे. ही चित्रे वारली एक्सप्रेस, दांडी यात्रा, सेवाग्राम आश्रम आदी वास्तूंचे रेखाटन करतात. तसेच या माध्यमातून वृक्षाराेपन, करोना जागृती, मुलींना शिकवा, स्वच्छ शाळा, निपुण भारत, शिक्षणाचा अधिकार व अन्य विषयाचे संदेश देण्यात आले आहे. या कलेचा विद्यार्थ्यांना गणितातील पूर्वगणना, इंग्रजीतील क्रिया, भूगोल, इतिहास या विषयाच्या अध्ययनात उपयोग होत आहे.

हेही वाचा… नागपूर : कोराडी वीज निर्मिती प्रकल्पात बॉयलर ट्यूब लिकेजमुळे २१५ दशलक्ष वीज युनिट्सचे नुकसान!

कला ही अभ्यासक्रमासोबत जोडल्या गेल्याने विद्यार्थ्यांची शिक्षणातील गोडी वाढल्याचे सांगितल्या जाते. उपक्रमात प्राचार्य, व्याख्याते, कर्मचारी, मुख्याध्यापक, शिक्षक यांचा सहभाग लाभत आहे. महत्त्वाचे म्हणजे कलेचा समावेश असलेल्या कॉफी टेबल बुकचे प्रकाशन पंतप्रधान नरेंद्र मोदी यांच्या हस्ते लवकरच होवू घातले आहे.