scorecardresearch

Premium

जळगावातील स्टेट बँक शाखेत भरदिवसा दरोडा; १५ लाखांची रोकड लंपास

दरोडेखोरांनी बँकेतील सुमारे १५ लाखांची रोकड व लाखोंचे सोने बॅगमध्ये भरून काही क्षणात पलायन केल्याचे सांगण्यात आले.

robbery State Bank branch Jalgaon
जळगावातील स्टेट बँक शाखेत भरदिवसा दरोडा; १५ लाखांची रोकड लंपास (छायाचित्र- लोकसत्ता ग्राफिक्स टीम, फ्रीपिक)

लोकसत्ता प्रतिनिधी

जळगाव: शहरातील कालिंकामाता मंदिर परिसरातील स्टेट बँक ऑफ इंडियाच्या शाखेत गुरुवारी सकाळी दरोडा टाकून सुमारे १५ लाखांच्या रोकडसह लाखोंचे सोने लांबविल्याची धक्कादायक घटना समोर आली.

harideep singh nijjar
पार्किंगजवळ अडवली गाडी, झाडल्या ५० गोळ्या; हरदीपसिंग निज्जरच्या हत्येचा थरारक घटनाक्रम वाचा!
Parineeti troll
“ही तर हद्द झाली…,” लग्नाच्या दुसऱ्याच दिवशी परिणीती चोप्रा ट्रोल, अभिनेत्रीबद्दल नाराजी व्यक्त करत नेटकरी म्हणाले…
sharad pawar narendra modi (1)
“पंतप्रधान मोदींचं ‘ते’ विधान क्लेशदायक”, शरद पवारांनी मांडली स्पष्ट भूमिका; दिले १९९३ च्या घडामोडींचे दाखले!
Pankaja Munde Narendra Modi
“हा तुमचा पक्षाला इशारा आहे का?”, पंकजा मुंडे स्पष्टच म्हणाल्या, “मी त्यांना…”

शहरातील कालिंकामाता मंदिर परिसरातील काशीबाई उखाजी कोल्हे विद्यालयानजीकच्या स्टेट बँक ऑफ इंडियाची शाखा आहे. गुरुवारी सकाळी नऊला बँक उघडून नियमितपणे कारभार सुरू झाला. कर्मचारी कामात गुंग असताना दोन युवक दुचाकीवरून बँकेत आले. त्यांच्याकडे कोयत्यासारखे धारदार शस्त्र होते. या शस्त्राच्या धाकाने दोन्ही युवकांनी व्यवस्थापक राहुल महाजन यांच्यासह पाच-सहा कर्मचार्‍यांना धमकावले. त्यांनी व्यवस्थापक महाजन यांच्या मांडीवर कोयत्याने वारही केले. काही कळण्याच्या आतच दरोडेखोरांनी बँकेतील सुमारे १५ लाखांची रोकड व लाखोंचे सोने बॅगमध्ये भरून काही क्षणात पलायन केल्याचे सांगण्यात आले. अवघ्या काही मिनिटे हा थरार सुरू होता. सकाळच्या वेळी फारशी ग्राहकांची वर्दळ नसल्याने चोरट्यांनी पाळत ठेवून दरोडा फत्ते केला.

हेही वाचा… घराची मंजुरी आणण्याच्या मोबदल्यात पाच हजाराची लाच; ग्रामसेवक जाळ्यात

घटनेची माहिती मिळताच जिल्हा पोलीस अधीक्षक एम. राजकुमार, अप्पर पोलीस अधीक्षक चंद्रकांत गवळी, एमआयडीसी पोलीस ठाण्याचे प्रभारी निरीक्षक शंकर शेळके आदींसह पोलीस पथकाने धाव घेत माहिती जाऊन घेतली. श्‍वानपथक व ठसेतज्ज्ञांना पाचारण करण्यात आले. जखमी व्यवस्थापक महाजन यांना खासगी रुग्णालयात दाखल करण्यात आले. भरदिवसा घडलेल्या या प्रकारामुळे परिसरात भीतीचे वातावरण पसरले आहे. पोलिसांनी तपासाची चक्रे फिरविली असून, जिल्हाभरातील यंत्रणांना सतर्क करण्यात आले आहे.

Latest Comment
View All Comments
Post Comment

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

First published on: 01-06-2023 at 15:34 IST

संबंधित बातम्या

गणेश उत्सव २०२३ ×