scorecardresearch

Premium

घराची मंजुरी आणण्याच्या मोबदल्यात पाच हजाराची लाच; ग्रामसेवक जाळ्यात

या प्रकरणी हंसराज बंजारा (५२) यास लाचलुचपत प्रतिबंधक विभागाने ताब्यात घेतले.

anti corruption department detained gramsevak accepting bribe nashik
घराची मंजुरी आणण्याच्या मोबदल्यात पाच हजाराची लाच; ग्रामसेवक जाळ्यात

लोकसत्ता प्रतिनिधी

नाशिक: गरीबांसाठी घरकुल मिळावे म्हणून शासन एकीकडे प्रयत्न करीत असतांना दुसरीकडे काही शासकीय लोकसेवक या कामात लाच मागून अडथळे निर्माण करीत आहेत. अशीच एक घटना इगतपुरी तालुक्यातील अधरवड ग्रामपंचायतीच्या ग्रामसेवकासंदर्भात घडली आहे. रमाई घरकुल योजनेचा प्रस्ताव देऊन घराची मंजुरी आणली म्हणून त्याने पाच हजाराची मागितलेली लाच त्याच्या चांगलीच अंगलट आली आहे. 

elders saved the child slife Varanasi Viral Video
VIDEO: पावसाच्या पाण्यात विजेचा धक्का बसल्याने तडफडत होता चिमुकला, देवदूत बनून आलेल्या वृद्धांनी वाचवले प्राण
Royal Enfield Bullet 350 launched
नाद करायचा नाय! बाकी कंपन्या बघतच राहिल्या, देशात दाखल झाली नवी बुलेट, किंमत फक्त…
Justin truedeo and narendra modi
निज्जर हत्येप्रकरणी भारतावर आरोप करणाऱ्या कॅनडाला उपरती; पंतप्रधान ट्रुडो म्हणाले, “जगभरात भारताचा प्रभाव…”
eknath shinde bjp flag
“…अन्यथा भाजपात प्रवेश केला असता”, शिंदे गटातील मंत्र्याचं मोठं विधान

घरकुलाला मंजुरी आणून दिल्याच्या मोबदल्यात एका तक्रारदाराकडून पाच हजार रुपयांची लाच स्वीकारतांना अधरवड ग्रामपंचायतीचा ग्रामसेवक हंसराज बंजारा (५२) यास लाचलुचपत प्रतिबंधक विभागाने ताब्यात घेतले. घरकुलाच्या प्रस्तावाला मंजुरी आणून देऊन घरकुलाचे शासकीय हप्ते विनाअडथळा बँक खात्यावर जमा करायचे होते. या कामाच्या मोबदल्यात तक्रारदाराकडून पाच हजार रुपयांची लाच ग्रामसेवक बंजाराने स्वीकारली. म्हणून त्याच्या विरोधात लाचलुचपत प्रतिबंधक विभागाने गुन्हा दाखल केला आहे.

हेही वाचा… शासकीय योजनांच्या प्रचारार्थ शिवदूत; शिवसेनेचे नियोजन

लाचलुचपत प्रतिबंधक विभागाच्या पोलीस निरीक्षक मीरा आदमाने, हवालदार पंकज पळशीकर, नाईक प्रवीण महाजन, प्रभाकर गवळी, नितिन कराड, चालक परशुराम जाधव यांच्या पथकाने ही कामगिरी केली. कोणी शासकीय अधिकारी लाच मागत असेल तर आमच्या कार्यालयाशी संपर्क करावा, असे आवाहन लाचलुचपत प्रतिबंधक विभागाच्या अधिकाऱ्यांनी केले असुन संबधित तक्रारदाराचे नाव गुप्त ठेवण्यात येईल, असे सांगण्यात आले आहे.

Latest Comment
View All Comments
Post Comment

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: The anti corruption department has detained a gramsevak while accepting a bribe in nashik dvr

संबंधित बातम्या

तुम्ही या बातम्या वाचल्या आहेत का? ×