नाशिक : आसाम रायफल्सच्या माजी सैनिकांच्या गरजांची पूर्तता, अडचणींचे निराकरण करण्याच्या उद्देशाने आसाम रायफल्स महासंचालनालयाने नाशिक येथे राज्यातील पहिले आसाम रायफल्स माजी सैनिक संघटना केंद्र कार्यान्वित केले आहे. या केंद्रामार्फत दलातून निवृत्त होणाऱ्या सैनिकांना आरोग्य सेवा सहाय्य, व्यावसायिक शिक्षण, समुपदेशन आणि विविध कल्याणकारी सुविधा देण्याचे काम केले जाणार असल्याचे आसाम रायफल्सचे महानिर्देशक लेफ्टनंट जनरल प्रदीप चंद्रन नायर यांनी सांगितले.

रविवारी येथे तोफखाना केंद्रातील तोपची सभागृहात आसाम रायफल्सच्या माजी सैनिकांचा मेळावा पार पडला. यावेळी आसाम रायफल्स माजी सैनिक संघटना केंद्राचे उद्घाटन नायर यांच्या हस्ते करण्यात आले. आसाम रायफल्समध्ये विशेष कामगिरी करणाऱ्या माजी सैनिकांचा यावेळी सन्मान करण्यात आला. नाशिक येथील केंद्र महाराष्ट्र व आसपासच्या राज्यांत वास्तव्यास असणाऱ्या आसाम रायफल्सचे एक हजारहून अधिक माजी सैनिक आणि वीर नारींची मदत व गरजांची पूर्तता करेल, असे यावेळी सांगण्यात आले. मेळाव्यात २५० हून अधिक माजी सैनिक, वीर नारी व त्यांचे कुटुंबिय सहभागी झाले होते. माजी सैनिकांशी लेफ्टनंट जनरल नायर यांनी संवाद साधला.

Nagpur smart prepaid meters marathi news
नागपूर, वर्धेत स्मार्ट प्रीपेड मीटर्स बसवणे सुरू; ग्राहकांच्या मनस्तापाचे…
fixed deposit holders fraud
गोव्यातील कंपनीकडून अक्कलकोटच्या ठेवीदारांना गंडा
Deliberate delay in redevelopment of 120 slum
१२० झोपड्यांच्या पुनर्विकासाला हेतुतः विलंब
Malabar Hill, Malabar Hill Residents , made unique manifesto, Malabar Hill resident manifesto, Demand Action on Parking, Demand Action on Traffic, arvind sawant, Lok Sabha Elections, Mumbai news, malbar hill news, marathi news,
नेत्यांसाठी रस्ते बंद करू नका, मलबार हिलवासियांचा अनोखा जाहीरनामा; मुख्यमंत्र्यांवर रहिवासी नाराज
mumbai, Bhabha Hospital, Nurse Assaulted, Nurse Assaulted at Bhabha Hospital, Nurses warns Strike, Nurses Safety Concerns, Bhabha Hospital nurses warns Strike, hospital news, Bhabha hospital news, nurse assaulted news,
मुंबई : परिचारिका आंदोलनाच्या पवित्र्यात, सुरक्षेच्या उपाययोजनांसाठी कर्मचारी संघटना आक्रमक
Delhi Lieutenant Governor V K Saxena
राज्यपालांचा एक आदेश अन् महिला आयोगातून २२३ कर्मचाऱ्यांची हकालपट्टी! माजी अध्यक्षांवर केला गंभीर आरोप
Do Anjali Damania and Suhas Kande have the right to challenge the acquittal Chhagan Bhujbals question in HC
महाराष्ट्र सदन प्रकरण : दोषमुक्तीला आव्हान देण्याचा अधिकार दमानिया, कांदे यांना आहे का? उच्च न्यायालयातील सुनावणीदरम्यान भुजबळ यांच्याकडून प्रश्न उपस्थित
RBL Bank Fraud Case, 11 Including Senior Officers Booked, Rs 12 Crore Scam, rbl bank scam, rbl bank scam Rs 12 Crore , Senior Officers in RBL Bank scam, Mumbai news,
आरबीएल बँकेची १२ कोटींच्या फसवणूक केल्याप्रकरणी अधिकाऱ्यांसह ११ जणांवर गुन्हा, बँकेच्या दक्षता विभागाची तक्रार

हेही वाचा…दिंडोरीत माकपच्या भूमिकेत बदल, जागा न सोडल्यास उमेदवारीची तयारी

२३ मार्च २०२४ रोजी साजरा करण्यात आलेल्या पहिल्या आसाम रायफल्स माजी सैनिक दिनानंतर आसाम रायफल्सच्या माजी सैनिकांनी संपर्क साधण्यात सुलभता यावी, या हेतूने आसाम रायफल्सने माजी सैनिक संघटनेच्या सोबतीने येथे नवीन आसाम रायफल्स माजी सैनिक संघटना केंद्राची स्थापना केली आहे. महाराष्ट्रातील हे पहिले केंद्र आहे. हे केंद्र राज्यातील आसाम रायफल्सच्या माजी सैनिकांना कल्याणकारी सुविधा आणि सहाय्य सेवा देण्यासाठी समर्पित असेल. माजी सैनिकांची निवृत्तीपश्चात काळजी आणि त्यांना आवश्यक ती मदत देणे, हे या केंद्राचे उद्दिष्ट असल्याचे आसाम रायफल्सने म्हटले आहे.

हेही वाचा…नाशिकमध्ये वंचितकडून मराठा क्रांती मोर्चाचे समन्वयक मैदानात, औपचारिक घोषणा बाकी

कल्याणकारी योजनांची माहिती

कार्यक्रमात माजी सैनिकांसाठी राबविल्या जाणाऱ्या कल्याणकारी योजना आणि आर्थिक मदतीची माहिती देण्यात आली. त्या अंतर्गत नैसर्गिक आपत्तीदरम्यान एकाच वेळी १२ हजार रुपये, सैनिकांच्या विधवांना त्यांच्या दोन मुलींच्या लग्नासाठी २० हजार रुपयांची मदत, वैद्यकीय मदत म्हणून माजी सैनिक व सैनिकांच्या विधवा यांना ९० हजार रुपये, पाल्यांच्या शिक्षणासाठी इयत्ता अकरावी ते बारावीसाठी वार्षिक पाच हजार रुपये मदत. उच्च शिक्षण अनुदान केवळ व्यावसायिक अभ्यासक्रमांसाठी (एम टेक, एमबीए, बीटेक, एमबीबीएस, बीडीएस आणि तत्सम अभ्यासक्रम) प्रतिवर्षी १० हजार रुपये मदतीचा समावेश आहे.