नाशिक : वाहनातून मद्याची अवैध वाहतूक; ३२ लाख रुपयांचा मुद्देमाल जप्त

पथकातील अधिकारी, कर्मचाऱ्यांनी पाठलाग करुन वाहन अडवले. वाहनाची तपासणी केली असता वाहनाच्या मागील बाजूस चोरकप्पा बनवून त्यात गोवा राज्यात निर्मित तसेच गोवा राज्यातच विक्रीसाठी असलेला मद्याचा साठा मिळून आला. पोलिसांनी वाहनासह मद्यसाठा जप्त केला. वाहनासोबत असलेला चालक साहिल सय्यद तसेच सहायक मुकेश गाढवे यांना अटक करण्यात आली आहे.

हेही वाचा : नाशिक : फरार संशयित ताब्यात

सदर गुन्ह्यात चालकाने दिलेल्या माहितीनुसार मद्यसाठा घेणारा व पुरवठादार तसेच जप्त वाहनाचा मालक यांचे विरोधात गुन्हा नोंदविण्यात आला आहे. मद्याची एकूण १४३ खोकी, मालवाहतूक वाहन असा ३२, १४, ७७० रुपयांचा मुद्देमाल जप्त करण्यात आला आहे.