ग्रामीण भागासाठी अल्पोहार, महापालिका क्षेत्रात मात्र…

शिक्षण विभागाच्या वतीने मूल्यवर्धन ३.० हा तीन दिवसांचा प्रशिक्षण वर्ग १७ ते १९ नोव्हेंबर तसेच दुसरा टप्पा २६ ते २८ नोव्हेंबर या कालावधीत होत आहे. पहिली ते आठवीच्या वर्गाला अध्यापन करणाऱ्या शाळेतील एकूण शिक्षकांपैकी ५० टक्के शिक्षक पहिल्या टप्पात आणि दुसऱ्या टप्प्यात ५० टक्के शिक्षकांची उपस्थिती असे नियोजन करण्यात आले आहे. या माध्यमातून शिक्षकांना अद्ययावत विषयनिहाय माहिती, मार्गदर्शन केले जात आहे. परंतु, या प्रशिक्षण वर्गाविषयी शैक्षणिक वर्तुळात नाराजी आहे. प्रशिक्षण हे अनिवासी असल्याने जेवणाचा डबा तसेच आपल्या इयत्तेची मूल्यवर्धन पुस्तिका बरोबर आणण्याची सुचना नाशिक महानगरपालिकेच्या वतीने करण्यात आली आहे.

शैक्षणिक वर्षाच्या दुसऱ्या सत्राला अलीकडेच सुरुवात झाली आहे. विद्यार्थी शाळेत येऊ लागले असताना लगेचच ५० टक्के शिक्षक प्रशिक्षणाला घेतल्याने विद्यार्थ्यांच्या उपस्थितीवर परिणाम होण्याची शक्यता आहे. जे विद्यार्थी शाळेत उपस्थित राहतील, त्यांचेही अध्ययनाकडे फारसे लक्ष राहणार नाही. २६ जानेवारी रोजीच्या राष्ट्रगीत समूहगान बैठकीसाठी उपस्थित शिक्षकांमधून एक शिक्षक पाठवावा लागणार आहे. यानंतर डिसेंबरमध्ये क्रीडा स्पर्धा तसेच सांस्कृतिक कार्यक्रमांचे नियोजन असतांना प्रशिक्षण वर्गाचा अट्टाहास का, असा प्रश्न उपस्थित होत आहे. दुसरीकडे, ग्रामीण भागात प्रशिक्षण १० ते पाच या वेळेत असल्याने भोजनाची आणि दोन वेळा चहाची व्यवस्था करण्यात आली आहे. याबाबत राज्यस्तरावरून राज्य प्रशिक्षण संस्थेकडे निधी उपलब्ध करण्यात आलेला आहे. ग्रामीण भागाने तसे पत्रकही काढलेले आहे. मात्र शहरी भागामध्ये साध्या पाण्याची ही व्यवस्था करण्यात आलेली नाही मग असा दुजा भाव का? शिक्षकांमध्ये या विषयी तर्क विर्तक लढवण्यात येत आहे.

शिक्षण विभागात प्रशिक्षण उपक्रम यासंदर्भात कोणताही समन्वय यातून दिसून येत नाही. या विषयी शिक्षकांनी विचारणा केली असता वरिष्ठ पातळीवरून आलेल्या सुचनांचे पालन करण्यात येत असल्याचे सातत्याने सांगितले जात आहे. शिक्षण विभागाशी याबाबत संपर्क होऊ शकला नाही.

महानगर पालिका परीक्षेत्रातील महापालिका शाळा तसेच खाजगी शाळांमधील शिक्षकांसाठी शिक्षण विभागाच्या वतीने मूल्यवर्धन केंद्रस्तर प्रशिक्षण शिबीर सध्या सुरू आहे. या प्रशिक्षण वर्गा जिल्हा तसेच शहर परिसरात होत असतांना ग्रामीण भागात प्रशिक्षण वर्गासाठी आलेल्या शिक्षकांच्या अल्पोहाराची व्यवस्था करण्यात आली आहे. मात्र, शहर परिसरात ही व्यवस्था नसल्याने आश्चर्य व्यक्त करण्यात येत आहे.

याबाबत राज्यस्तरावरून राज्य प्रशिक्षण संस्थेकडे निधी उपलब्ध करण्यात आलेला आहे. ग्रामीण भागाने तसे पत्रकही काढले आहे. मात्र शहरी भागामध्ये साध्या पिण्याच्या पाण्याचीही व्यवस्था करण्यात आलेली नाही. असा दुजाभाव का, असा प्रश्न करण्यात येत आहे. शिक्षण विभागात प्रशिक्षण उपक्रमांसंदर्भात कोणताही समन्वय यातून दिसून येत नाही. याविषयी शिक्षकांनी विचारणा केली असता वरिष्ठ पातळीवरून आलेल्या सुचनांचे पालन करण्यात येत असल्याचे सांगण्यात आले.

आज महापालिकेतील शिक्षकांसाठी जेवण

मागील वर्षी निधी प्राप्त झाला नव्हता. यामुळे यंदा ही अडचण आली. मात्र सकाळीच याविषयी वरिष्ठ पातळीवर चर्चा झाली आहे. अंदाजे दोन हजारांहून अधिक शिक्षक पहिल्या सत्रात सहभागी आहेत. बुधवारी सकाळी त्यांचा चहा नाश्ता आणि जेवणाची व्यवस्था करण्यात आली आहे.- मिता चौधरी (शिक्षण अधिकारी)