लोकसत्ता टीम पनवेल : पनवेल महापालिका आयुक्तांनी आदर्श आचारसंहितेचा भंग करु नका असे आवाहन नागरिकांसह राजकीय पक्षांना केले होते. मात्र तरीही आचारसंहितेचा भंग करुन पनवेल महापालिकेची परवानगी न घेता थेट फलकबाजी केल्यामुळे पालिकेने संबंधित शुभेच्छुक संदेश देणाऱ्यांविरोधात गुन्हा नोंदविला आहे. पालिकेच्या या धडक कारवाईमुळे पालिका प्रशासनाकडून फलकासाठी परवानगी न घेता थेट फलक लावणाऱ्यांना हा पालिकेचा इशारा आहे. आणखी वाचा- महापालिका अधिकाऱ्यांच्या अचानक बदलीमुळे पावसाळ्यापूर्वीच्या कामांना फटका १७ मार्चला रात्री नऊ वाजता शीव पनवेल महामार्गावर कळंबोली येथील मॅकडोनाल्ड हॉटेलसमोरील पादचार पुलावर मुंबई पुणे द्रुतगती महामार्गावर वाढदिवसानिमित्त संबंधित फलकबाजी करण्यात आली आहे. हा फलक ५० फूट लांब आणि ८ फूट उंचीचा आहे. पालिकेच्या अधिका-यांनी पोलीसांत दिलेल्या तक्रारीमध्ये महाराष्ट्र मालमत्ता विदृपीकरण प्रतिबंध अधिनियम १९९५ चे कलम ३ सह महापालिका अधिनियम १९४९ चे कलम २४४, २४५ सह प्रतिक महापालिका (जाहिरात, फलक व नियंत्रण) नियम २००३ अन्वये ही कारवाई केल्याचे म्हटले आहे.
