उरण मधील पाणजे डोंगरी परिसरात कोल्ह्याचे दर्शन

उरण : येथील पाणजे व डोंगरी गावाच्या शेजारी असलेल्या पाणथळ परिसरात रविवारी सकाळी दोन कोल्हे जोडीने विहार करतांना दिसून आले आहेत. उरणच्या कांदळवन व खाडी परिसरात काही प्रमाणात आहेत. मात्र रविवारी सकाळी या भागात मासेमारी साठी गेलेल्या स्थानिक मच्छिमारांना प्रथम ते  दिसले त्यानंतर त्यांनी येथील पर्यावरणवादी कार्यकर्त्याला याची माहिती दिली. उरण आणि जेएनपीटी बंदराच्या  परिसरात सुरू असलेल्या औद्योगिकीकरणामुळे उरण मध्ये कोल्हे दिसेनासे झाले होते.