scorecardresearch

Premium

नवी मुंबई : वायुप्रदूषणावर महापालिकेचा धूळ शमन यंत्राचा उतारा; आठवडाभर वाशी, कोपरखैरणे परिसरात रात्रीच्या वेळी राहणार तैनात

शहरात विशेषतः कोपरखैरणे आणि वाशीच्या वेशीवर गेल्या महिन्याभरापासून हवा गुणवत्ता निर्देशांक घसरत चालला असून २०० ते ३०० दरम्यान एक्यूआय आढळला आहे.

air purifier van in navi mumbai, navi mumbai air pollution, air purifier van at vashi and kopar khairane
वायुप्रदूषणावर महापालिकेचा धूळ शमन यंत्राचा उतारा; आठवडाभर वाशी, कोपरखैरणे परिसरात रात्रीच्या वेळी राहणार तैनात (छायाचित्र – लोकसत्ता टीम)

नवी मुंबई : शहरात विशेषतः कोपरखैरणे आणि वाशीच्या वेशीवर गेल्या महिन्याभरापासून हवा गुणवत्ता निर्देशांक घसरत चालला असून २०० ते ३०० दरम्यान एक्यूआय आढळला आहे. त्यामुळे येथील स्थानिक नागरिकांकडून वायू प्रदूषणाबाबत वारंवार तक्रारी येत आहेत. या वायू प्रदूषणावर नियंत्रण मिळविण्यासाठी महापालिकेने धूळ शमन यंत्राचा उतारा शोधला आहे. कोपरखैरणे से.११ आणि वाशी से.२६ व २८ याठिकाणी आठवडाभर रात्रीच्या वेळी धूळ शमन यंत्रणेने (एअर प्युरिफाय मोबाईल व्हॅन) फवारणी करून प्रदूषित वातावरण कमी करण्यात येणार आहे.

नवी मुंबई शहरात महापे पावणे आणि तळोजा औद्योगिक क्षेत्र मोठ्या प्रमाणावर वसले आहे . शहरातील २५ टक्के भाग औद्योगिक क्षेत्राने व्यापला आहे . त्याच बरोबर शहरात मोठ्या प्रमाणावर नवीन बांधकामे, नवी मुंबई आंतरराष्ट्रीय विमानतळाचे काम सुरू आहे. वाहनांमुळे ही हवा प्रदूषण होत असल्याचे निकष लावले जात आहेत. नवी मुंबई शहराची हवा गुणवत्ता दिवसेंदिवस ढासळत आहे. मात्र गेल्या महिन्याभरापासून वाशी आणि कोपरखैरणेच्या वेशीवर रात्रीच्या वेळी हवेत मोठ्या प्रमाणावर धुरके निदर्शनास येत असून दर्पवासही येत आहे. त्यामुळे नित्याने याठिकाणाहुन रहिवाशांकडून हवा प्रदूषणाची ओरड सुरू आहे.

Why strengthening of Ambazari lake in Nagpur
नागपूरच्या अंबाझरी तलाव बळकटीकरणाची गरज का? यंदाही पावसाळ्यात ‘ओव्हरफ्लो’ होणार का?
part of commercial building obstructing widening of the road was demolished mumbai municipal corporation
रस्ता रुंदीकरणाआड आलेल्या व्यावसायिक इमारतीचा काही भाग तोडला, पश्चिम उपनगरात प्रथमच केला पालिकेने प्रयोग
Two injured during demolition mumbai
बोरिवली येथे इमारतीच्या पाडकामादरम्यान दोन जखमी, राडारोडा चालत्या रिक्षावर पडला
As Ro Ro service will start there will be a saving of 55 minutes in travel time between Vasai Bhayandar
वसई भाईंदर दरम्यान प्रवास वेळेत ५५ मिनिटांची होणार बचत

हेही वाचा :बहुप्रतिक्षीत नवी मुंबई मेट्रोचे उद्घाटन पंतप्रधानांच्या हस्ते? ऑक्टोबरमधील ‘या’ तारखांची चाचपणी सुरू

याठिकाणी प्रदूषित वातावरणावर नजर ठेवण्यासाठी महाराष्ट्र प्रदूषण मंडळाकडून फिरते हवागुणवत्ता तपासणी वाहन तैनात केले आहे. या वाहन तपासणी अहवालातुन हवेत प्रदूषित घटक आढळले असल्याची तोंडी माहिती प्रदूषण मंडळाने दिली आहे. मात्र प्रदूषित घटकांची आकडेवारी देण्यासाठी प्रदूषण मंडळाचे उपप्रादेशिक अधिकारी जयंत कदम यांच्याकडून टाळाटाळ केली जात आहे. दिवसेंदिवस येथील रहिवाशांच्या तक्रारी वाढत असल्याने येथील होणाऱ्या हवा प्रदूषणावर नियंत्रण ठेवण्यासाठी आता महापालिकेने धूळ शमन यंत्राचा पर्याय शोधला आहे.

Latest Comment
View All Comments
Post Comment

Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In navi mumbai air purifier van to be deployed at vashi and kopar khairane to control air pollution css

First published on: 05-10-2023 at 16:52 IST

आजचा ई-पेपर : नवी मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×