scorecardresearch

Premium

एन.एम.एम.टी बसच्या टायरने पेट घेतला, बस चालकाचे प्रसंगावधान आणि वाहतूक पोलिसांच्या मदतीमुळे अनर्थ टळला…

वाहतूक पोलिसांनी त्यांच्या गाडीतील अग्निशमन सिलेंडरच्या साह्याने सदर गाडीच्या चाकाला लागलेली आग वेळीच विझवली.

navi mumbai nmmt bus, nmmt bus catches fire, traffic police and bus driver, bus driver helped to extinguish fire
एन.एम.एम.टी बसच्या टायरने पेट घेतला, बस चालकाचे प्रसंगावधान आणि वाहतूक पोलिसांच्या मदतीमुळे अनर्थ टळला… (छायाचित्र – लोकसत्ता टीम)

नवी मुंबई : ऐरोली सेक्टर ८ येथे एन.एम.एम.टी च्या बस आगीत भस्मसात झाल्याची घटना ताजी असतानाच गुरुवारी नेरुळ येथेही असाच प्रकार घडणार होता. मात्र बस चालकाचे प्रसंगावधान आणि वेळीच वाहतूक पोलीस मदतीस धावून आल्याने केवळ टायर वर निभावले. एम एच ४३ बी एक्स ०३९१ ही बस जुईनगर ते जेएनपीटी ( मार्ग क्रमांक ३४)अशी जात असताना संध्याकाळी आठच्या सुमारास नेरुळ उड्डाणपूल खालील सिग्नल वर आल्यानंतर गाडीच्या डाव्या बाजूच्या पुढील चाकातून अचानक धूर येऊन पेटल्याचे दिसले. 

तात्काळ बस चालक किरण फणसे यांनी गाडी थांबवली. सुदैवाने त्या ठिकाणी असलेले वाहतूक पोलीस मदतीस धावून आले आणि त्यांच्या सूचनेनुसार प्रवाशांना उतरवण्यात आले. वाहतूक पोलिसांनी त्यांच्या गाडीतील अग्निशमन सिलेंडरच्या साह्याने सदर गाडीच्या चाकाला लागलेली आग वेळीच विझवली. तसेच बस चालक फणसे यांनी पण त्यांच्याकडे असलेल्या अग्निशमन सिलेंडरच्या सहाय्याने आग विझवण्यासाठी प्रयत्न केले. त्यामुळे पुढील अनर्थ टळला त्यानंतर सदरची गाडी ही बाजूला घेतली व अग्निशमन दलास कळवण्यात आले. ते आल्यावर पुढील कार्यवाहीसाठी त्यांच्या ताब्यात दिले.

PMC pune municipal corporation
रस्त्यावर फेकलेल्या कचऱ्यातून पत्ते शोधून दंडाची वसुली; मोटारीतून कचरा फेकणाऱ्यांचा पाठलाग करून महापालिकेच्या अधिकाऱ्यांकडून कारवाई
farmers agitation causes massive traffic jam in nashik city
शेतकऱ्यांच्या आंदोलनामुळे नाशिककरांची कोंडी; वन जमिनींच्या प्रश्नावर मंगळवारी मुंबईत बैठक
love triangle nagpur
‘पती, पत्नी और वो…’ प्रेमाच्या त्रिकोणातून दोन संसार उद्ध्वस्त होण्याच्या मार्गावर; भरोसा सेलने…
mill workers got houses
पात्र ५८५ गिरणी कामगार अखेर हक्काच्या घरात, कोन पवनेलमधील घरांचे वितरण

हेही वाचा : हार्बर मार्गावर लोकल वाहतूक १५ मिनिटे उशिरा तर ट्रान्स हार्बर मार्गावरील सकाळी ८ वाजून ४१ मिनिटांची पनवेल गाडी रद्द

या कार्यात तुर्भे विभागाचे वरिष्ठ पोलीस निरीक्षक श्रीकांत धरणे तसेच पोलीस हवालदार पोळ, पोलीस हवालदार भोसले, पोलीस हवालदार घोरपडे, पोलीस काचगुंडे यांनी मोलाची कामगिरी बजावली. अशी माहिती वरीष्ठ पोलीस निरीक्षक श्रीकांत धरणे यांनी दिली. याबाबत एन.एम.एम.टी प्रशासनाशी संपर्क होऊ शकला नाही. 

Latest Comment
View All Comments
Post Comment

Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In navi mumbai moving nmmt bus tyre catches fire traffic police and bus driver helped to extinguish fire css

First published on: 06-10-2023 at 11:44 IST

आजचा ई-पेपर : नवी मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×