नवी मुंबई : गावठी कट्टा, सहा जिवंत काडतूसे जप्त, तिघे जेरबंद

सौतमरतन प्रकाश सिंग,( वय २४वर्षे, सेक्टर. १९, कोपरखैरणे, नवी मुंबई, मूळ राहणार. परवेजनगर, जि. बदायु, तहसिल, भिसोली, उत्तरप्रदेश.), पिंटु सोमपाल कुमार, वय २२ वर्षे, धंदा शेती, राहणार सेक्टर १९ कोपरखैरणे, नवी मुंबई, मूळ गाव राजघाट, जिल्हा. बुलंदशहर, उत्तर प्रदेश आणि अभय बॉबी राजपुत, (वय र २४ कोपरखैरणे सेक्टर १९, नवी मुंबई, मूळ राहणार परवेजनगर, जिल्हा बदायु,उत्तरप्रदेश.) असे अटक करण्यात आलेल्या संशयित आरोपीची नावे आहेत. स्वातंत्र्य दिवसाच्या पार्श्वभूमीवर सर्वत्र अधिकची गस्त सुरु आहे.

१४ ऑगस्टला कोपरखैरणे पोलीस ठाण्याचे बीट मार्शल पोलीस हवालदार ललित महाजन यांना सेक्टर २३ येथील शांतिदूत महावीर उद्यान, सार्वजनिक स्वच्छता गृह बाजूला, असणाऱ्या पेट कॉर्नरजवळ संशतीतरित्या फिरत आहेत अशी माहिती मिळाली. याबाबत वरिष्ठ पोलीस निरीक्षक औदुंबर पाटील यांना ही माहिती देताच त्यांनी तातडीने पोलीस उपनिरीक्षक उमेश शेडगे, पोलीस हवालदार महाजन, चिकणे, पोलीस शिपाई दोंदे, परदेशी, भांगरे, कानवडे, साळुंखे, आणि यादव हे पथक रवाना केले. सेक्टर २३ व परिसरात शोध घेतला असता तिन्ही संशयित मिळून आले. पोलीस पथकाने त्यांना ताब्यात घेऊन त्यांची अंगझडती घेतली असता त्यांचे अंगझडतीमध्ये एक गावठी कट्टा आणि सहा जिवंत काडतुसे मिळुन आलेली आहेत. त्याचे मूल्य हे कट्टा ३० हजार तर सहा काडतुसाचे प्रयेकी एक हजार असे सहा हजार तर एकूण ३६ हजाराचा ऐवज जप्त करण्यात आला आहे.

बेकायदा शस्त्र बाळगल्या प्रकरणी तिघांनाही अटक करण्यात आले आहे. संशयित आरोपीनी हे बेकायदा शस्त्र कशासाठी कोणासाठी आणले की स्वतः वापर करत होते याबाबत तपास सुरु आहे. अशी माहिती वरिष्ठ पोलीस निरीक्षक औदुंबर पाटील यांनी दिली.