मागील काही दिवसापासून शहरात दुपारी ४ नंतर जोरदार पाऊस होत असताना मोरबे धरण क्षेत्रात मात्र पावसाने हात आखडता घेतला आहे. शहरापेक्षा मोरबे पाणलोट क्षेत्रात एकूण पावसाचे प्रमाण चांगले असून यंदा गेल्यावर्षी प्रमाणे धरण भरण्याची हुलकावणी मिळण्याची शक्यता आहे. मोरबे धरण ९६.९९ टक्के भरले असून धरण १०० टक्के भरण्यासाठी ४०० पेक्षा जास्त मिमी. पावसाची आवश्यकता आहे. तर धरणात १५ सप्टेंबर २०२३ पर्यंत पुरेल एवढा जलसाठा झालेला आहे. गेल्यावर्षी २९ सप्टेंबरला १०० टक्के धरण भरले होते. परंतु आता पावसाचा परतीचा प्रवास सुरू झाला असून गेल्यावर्षी प्रमाणे यंदाही धरण भरण्याची शक्यता मावळली आहे.
हेही वाचा- ‘मृत्यूचा महामार्ग दुरुस्त करा’; ‘माझं पेण’ समितीने मुंबई – गोवा महामार्ग केला ठप्प
मोरबे धरण केव्हाही भरण्याची शक्यता निर्माण झाली होती. त्यामुळे जादाचे पाणी सांडव्यावरील दोन वक्राकार दरवाजे उघडे करुन मूळ धावरी नदी पात्रात सोडण्याची तयारी प्रशासनाने केली होती . त्यामुळे पर्जन्यामानानुसार मोरबे धरणातून पाण्याचा विसर्ग करावा लागण्याची शक्यता निर्माण झाली होती. मोरबे धरणाचे दरवाजे उघडण्यापूर्वी धावरी नदीकाठावर वसलेल्या गावातील लोकांनी नदीपात्रात जाऊ नये व सतर्कता बाळगावी असे पत्र पालिकेने जिल्हाधिकारी रायगड ,यांच्यासह विविध विभागांना पाठवलेही होते परंतु आता मोरबे परिसरात पाऊस पडत नाही.
हेही वाचा- सोमवारपासून बेलापूर ते जेएनपीटी वॉटर टॅक्सी सेवा सुरु
मोरबेच्या पाण्यावर जलसंपन्न शहर म्हणून नावलौकीक मिळालेले नवी मुंबई महापालिकेचे मोरबे धरण अद्याप ९६.९९ टक्के भरले असून धरणात सप्टेंबर २०२३ पर्यंत पुरेल एवढा पाणीसाठा झाला आहे. नवी मुंबई शहर व मोरबे पाणलोट क्षेत्रात यंदा संपूर्ण जून महिन्यात पाऊस पडला नाही. पावसाविना जून महिना कोरडाच गेला होता. त्यामुळे गेल्यावर्षीच्या तुलनेत मोरबे धरणाची पाणीपातळी ५ मीटर खाली गेला होती. मोरबे धरण परिसरात गेल्यावर्षीच्या तुलनेत कमी पाऊस होत असल्यामुळे नवी मुंबई शहरावर पाणी कपातीचे संकट निर्माण झाले होते. परंतु जूनमधील पावसाने हात आखडता घेतला होता त्याची भर जुलै ऑगस्ट, सप्टेंबर महिन्यात भरून काढली.
यंदा पावसाळ्यापूर्वी फक्त १५ ऑगस्ट २०२२पर्यत पुरेल एवढेच पाणी धरणात होते. धरण भरण्यासाठी जवळजवळ ३८०० ते ४००० मिमी. पावसाची आवश्यकता होती. परंतु आतापर्यंत धरण क्षेत्रात ३५१४.२ मिमी पाऊस झाला आहे. नवी मुंबई शहराला पाणीपुरवठा करणारे मोरबे धरण गेल्यावर्षी दमदार पावसाने २९ सप्टेंबर २०२१ ला पूर्ण भरले होते. यंदा पावसाचे प्रमाण अनिश्चित होते . मोरबे धरण परिसरात ऑक्टोबरपर्यंत पाऊस पडतो त्यामुळे नवी मुंबईकरांची पाणी चिंता मिटली असली तरी धरण १०० टक्के भरण्यास हुलकावणी मिळणार असल्याची स्थिती आहे.
हेही वाचा- नवी मुंबईत रिक्षांच्या रांगा, मीटर प्रमाणीकरणासाठी प्रतिक्षा
मोरबे पाणलोट क्षेत्रात मागील काही दिवसापासून पावसाचे प्रमाण कमी असून धरण भरण्यासाठी अजून ४०० मिमी पेक्षा अधिक पावसाची आवश्यकता आहे, असे मत मोरबे प्रकल्पाचे अभियंता वसंत पडघन यांनी व्यक्त केले.
हेही वाचा- नवी मुंबई पोलीस दलात खांदेपालट होण्याची शक्यता
आतापर्यंत धरणात झालेला पाऊस- ३५१४.२ मिमी.
धरणातील एकूण जलसाठा – ९६.९९ %
शहरात कधीपर्यंत पाणीपुरवठा करता येईल – १५ सप्टेंबर २०२३
