scorecardresearch

Premium

धनंजय-पंकजा मुंडे एकत्र येतील, पण कसे ‌?

‘धनंजय आणि पंकजा मुंडे यांनी एकत्र रहावे’, असा सल्ला उपमुख्यमंत्री देवेंद्र फडणवीस यांनी दिला. पण ते एकत्र राहणार कसे याचा उलगडा ना बीडच्या मतदारांना झाला, ना परळीच्या.

Pankaja munde, Dhananjay Munde, beed
धनंजय-पंकजा मुंडे एकत्र येतील, पण कसे ‌? ( Image Courtesy – Dhananjay Munde FB page )

सुहास सरदेशमुख

छत्रपती संभाजीनगर : परळी येथील ‘शासन आपल्या दारी’ या कार्यक्रमानंतर धनंजय मुंडे यांना बळ आणि पंकजा मुंडे यांचे पुनर्वसन अशी नवी राजकीय कसरत लोकसभा निवडणुकपूर्वी पूर्ण केली जाईल असे संकेत देण्यात आले. पंकजा मुंडे यांनी दोन शब्द आणि वाक्यांमध्ये सांध ठेवत केलेल्या वक्तव्यामुळे निघालेले राजकीय अर्थ एका बाजूला आणि नांदेड ते परळी असा सर्व सत्ताधारी मंडळींबरोबर केलेला हेलिकॉप्टर प्रवास असे दोन पारडे करून कौल तपासला जात आहे.

eknath shinde groups Yuva Sena warns Aditya Thackeray
ठरवले तर वरळीत येऊन पाडू… आदित्य ठाकरे यांना शिंदे यांच्या युवासेनेचा इशारा
Home Minister Devendra Fadnavis marathi news, three murders nagpur marathi news, nagpur crime news
गृहमंत्री देवेंद्र फडणवीस यांच्या गृहशहरात चोवीस तासांत तीन हत्याकांड; अखेर ‘त्या’ जखमीचाही मृत्यू
chitra wagh reply to ubt leader sushma andhare
“विरोधकांनी शहाणपण शिकवण्याची गरज नाही,” चित्रा वाघ यांनी सुनावले; म्हणाल्या, “त्यांना केवळ देवेंद्र फडणवीसांचा राजीनामा…”
Congress state president Nana Patole demands that the chief minister should resign immediately accusing him of corruption Nagpur
मुख्यमंत्र्यांवर भ्रष्टाचाराचे आरोप, तात्काळ राजीनामा द्यावा; काँग्रेसचे प्रदेश अध्यक्ष नाना पटोलेंची मागणी

उपमुख्यमंत्री अजित पवार यांनी कृषिमंत्री धनंजय मुंडे हे देवेंद्र फडणवीस यांच्या जवळच्या नेते आहेत, असे स्पष्टपणे सांगूनच टाकले. त्यामुळे बहुचर्चित ‘पहाटेच्या शपथविधी’च्या वेळीच्या धनंजय मुंडे यांच्या भूमिका नक्की काय असतील, याचा आता मतदारांनाही अंदाज आला. अजित पवार यांनी धनंजय मुंडे यांना बळ दिलेले आहेच. शिवाय देवेंद्र फडणवीस यांचेही ते लाडके असल्याचे स्पष्टपणे मतदारांपर्यंत पोहचले. खरे तर ‘शासन आपल्या दारी’ या उपक्रमात पंकजा मुंडे यांचे स्थान कोणत्या जबाबदारीमध्ये, हा प्रश्न निर्माण झाला असता. मात्र, त्यांनी केलेल्या सात मिनिटाच्या भाषणात त्यांनी परळीची नागरिक आणि खासदार डॉ. प्रीतम मुंडे यांची प्रतिनिधी म्हणून सहभागी झाल्याचे सांगितले. या कार्यक्रमाच्या वेळी खासदार डॉ. प्रीतम या दिल्ली येथे अधिवेशानास हजर होत्या. याच कार्यक्रमात ‘धनंजय आणि पंकजा मुंडे यांनी एकत्र रहावे’, असा सल्ला उपमुख्यमंत्री देवेंद्र फडणवीस यांनी दिला. पण ते एकत्र राहणार कसे याचा उलगडा ना बीडच्या मतदारांना झाला, ना परळीच्या.

हेही वाचा… खासदार शिंदे गटाचा, तयारी भाजपाची; पालघर लोकसभेत भाजपाची कुरघोडी?

हेही वाचा… मंत्री संजय राठोड यांची कन्याही राजकारणात

परळी मतदारसंघातून धनंजय मुंडे विजयी झाले असल्याने त्यांनी विधानसभेचा दावा सोडावा, असे कोणताही राजकीय व्यक्ती म्हणू शकणार नाही. मग पंकजा मुंडे यांचे राजकीय पुनर्वसन कसे केले जाणार आणि राजकीय व्यासपीठावर दोघे बहिण – भाऊ एकत्र कसे राहणार, असा प्रश्न कायम आहे. शासकीय कार्यक्रमाचे नियोजन करून धनंजय यांनीही महायुतीच्या तिन्ही नेत्यांचे पाठबळ आपल्याला आहे, हे स्पष्टपणे दाखवून दिले. पंकजा मुंडे यांनी लोकसभा निवडणूक लढवावी या पर्यायावर आता चर्चा सुरू झाल्या आहेत. मात्र, पंकजा मुंडे यांनी ‘मी लोकसभा लढवणार नाही’ असे जाहीरपणे सांगितले होते. एका अर्थाने डाॅ. प्रीतम मुंडे यांची जागा अबाधित ठेवण्याचेच पंकजा सूचित करत आहेत. लाेकसभेसाठी पंकजा मुंडे यांचे मन वळवण्याचे प्रयत्न झाले तर डाॅ. प्रीतम मुंडे यांचे काय, असा प्रश्न उतरताेच. सत्तेसाठी सुरू असणाऱ्या कसरतीमध्ये परळीची कसरतही चर्चेत राहण्याची शक्यता आहे.

Latest Comment
View All Comments
Post Comment

मराठीतील सर्व सत्ताकारण बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Pankaja and dhananjay munde will come together but how print politics news asj

First published on: 07-12-2023 at 16:51 IST

संबंधित बातम्या

तुम्ही या बातम्या वाचल्या आहेत का? ×