उत्तर प्रदेश: योगी आदित्यनाथ यांचे भ्रष्टाचार विरोधात कठोर पाऊल, पाच जेष्ठ अधिकाऱ्यांना केले निलंबित

उत्तर प्रदेशचे सार्वजनिक बांधकाम मंत्री जितीन प्रसाद यांच्या विभागातील हे अधिकारी आहेत. जितीन प्रसाद यांनी काँग्रेसमधून भाजपामध्ये प्रवेश केला आहे.
उत्तर प्रदेशातील योगी आदित्यनाथ यांच्या नेतृत्वाखालील भाजपा सरकारमध्ये मंत्री होण्यासाठीच त्यांनी भाजपामध्ये प्रवेश केल्याची चर्चा होती. त्यांनी भारतीय जनता पक्षात प्रवेश करून आता एक वर्षाहून अधिक काळ लोटला आहे. जितिन प्रसाद यांच्या निकटवर्तीय अधिकाऱ्याची हकालपट्टी केल्यामुळे ते पुन्हा एकदा चर्चेत आले आहेत.

आदित्यनाथ सरकारने कारवाई केलेले ओएसडी पांडे यांनी पूर्वीच्या काँग्रेसच्या नेतृत्वाखालील युपीए सरकारमध्ये काम केले आहे. पांडे हे जितीन प्रसाद केंद्रात मंत्री असताना त्यांच्यासोबत ओएसडी म्हणून का करत होते . त्यामुळे पिडब्लूडी विभागातील अधिकाऱ्यांवर झालेल्या भ्रष्टाचाराच्या आरोपांमुळे प्रसाद यांना मोठा धक्का बसला आहे. अखेर अधिकाऱ्यांच्या निलंबनानंतर प्रसाद यांनी एक निवेदन जाहीर केले. या निवेदनाद्वारे, मुख्यमंत्री आदित्यनाथ यांच्या नेतृत्वाशी असलेली बांधिलकी व्यक्त करत आणि भ्रष्टाचाराविरुद्ध सरकारने उचललेल्या पावलांचे कौतुक प्रसाद यांनी केले आहे. त्यांनी आदित्यनाथ सरकारच्या विरोधात नाराजी असल्याच्या वृत्तांनाही खोडून काढले आहे.

यावेळी प्रसाद यांची भूमिका ब्रजेश पाठक आणि दिनेश खाटीक यांसारख्या काही मंत्र्यांनी यापूर्वी घेतलेल्या भूमिकेच्या विरुद्ध होती, ज्यांनी अलीकडेच जेष्ठ नोकरशहांना लक्ष्य करून सरकारच्या कार्यपद्धतीविरुद्ध आवाज उठवला होता.

काँग्रेसचे दिग्गज नेते जितेंद्र प्रसाद यांचे पुत्र जितिन प्रसाद यांनी भारतीय युवक काँग्रेससोबत कारकीर्दीची सुरुवात केली. ते राहुल गांधींच्या टीमचा भाग होता. जितीन प्रसाद हे २००४ मध्ये प्रथम खासदार म्हणून निवडून आले. निवडून येण्याची पहिली वेळ असूनसुध्दा त्यांना राज्यमंत्री म्हणून काँग्रेसच्या नेतृत्वाखालील युपीए सरकार १.० मध्ये सामील करण्यात आले. ते युपीए २.० च्या काळातही मंत्री होते.

प्रसाद हे काँग्रेससोबत असताना विविध मुद्द्यांवर बोलणारे म्हणून ओळखले जात होते. त्यांनी वर्गनिहाय आरक्षणाची खेळी खेळली होती. ‘ब्राह्मण समाजाला एकत्रित करण्यासाठी त्यांनी ब्राह्मण चेतना यात्राही काढली. तो जी-२३ नावाच्या काँग्रेस नेत्यांच्या नाराज गटाचा देखील भाग होता, त्यांनी सांगितले ऑगस्ट २०२० मध्ये काँग्रेस अध्यक्षा सोनिया गांधी यांना पत्र लिहून पक्षात पक्षात नेतृत्वात सुधारणा करण्याची मागणी केली होती.

जुन २०२१ मध्ये त्यांनी काँग्रेसमधून भाजपमध्ये प्रवेश केला, हा प्रवेशाला भाजपाने ‘ब्राह्मण’ नेत्याचा समावेश म्हणून दाखवण्याचा प्रयत्न केला होता.