पुणे शहरात आज दिवसभरात नव्याने १,८३८ करोनाबाधित रुग्ण आढळून आले. त्यामुळे शहरातील एकूण रुग्णांची संख्या ३५ हजार ८७८ एवढी झाली आहे. तर आज दिवसभरात १८ रुग्णांचा मृत्यू झाला. त्यामुळे आज अखेर ९३५ रुग्णांचा मृत्यू झाला आहे. करोनावर उपचार घेणार्‍या ७७४ रुग्णांची तब्येत ठणठणीत असल्याने, त्या सर्वांना घरी सोडण्यात आले आहे. त्यामुळे आज अखेर २१ हजार ८८१ रुग्ण करोनामुक्त झाले आहेत. पुणे महापालिकेच्या आरोग्य विभागाने ही माहिती दिली. तर, पिंपरी-चिंचवड शहरात आज नव्याने ६८९ करोनाबाधित रुग्ण आढळले असून १५ जणांचा मृत्यू झाला आहे. दरम्यान, ५८० जण करोनामुक्त झाले असून त्यांना डिस्चार्ज देण्यात आला आहे. आत्तापर्यंत ६ हजार ४८० जण करोनामुक्त झाले आहेत. तर २२६ जणांचा मृत्यू झाला आहे. पिंपरी-चिंचवड शहरातील एकूण बाधितांची संख्या १० हजार ४४६वर पोहचली आहे.
