पुण्यात मागील २४ तासात ३७२ तर पिंपरीत १६४ नवे करोना रुग्ण

पिंपरी-चिंचवड शहरात आज दिवसभरात १६४  करोना बाधित रुग्णांची नोंद झाली असून उपचारादरम्यान आठ जणांचा मृत्यू झाला आहे. तर १४२ जण करोनामुक्त झाले आहेत. पिंपरी-चिंचवड शहरातील एकूण बाधित रुग्णांची संख्या ९० हजार २८९ वर पोहचली असून पैकी, ८६ हजार ९९८ जण करोनातून ठणठणीत बरे झाले आहेत. पिंपरी-चिंचवड महानगर पालिकेच्या रुग्णालयात उपचार घेत असलेल्या सक्रिय रुग्णांची संख्या ६३१ एवढी आहे अशी माहिती महानगर पालिकेच्या आरोग्य विभागाने दिली आहे.