15 August 2020

News Flash

पिंपरीत शासकीय कर्मचाऱ्यांच्या वसाहतीत आठ सदनिका फोडल्या

सलग चार दिवस सुट्टी असल्यामुळे या ठिकाणी राहणारे अनेक कर्मचारी गावाला गेले आहेत, त्याचा फायदा घेऊन चोरटय़ांनी रविवारी पहाटे येथील आठ बंद सदनिका फोडल्या.

| August 18, 2014 03:00 am

सलग सुट्टय़ांमुळे परगावी गेल्याचा फायदा घेऊन पिंपरीत शासकीय कर्मचाऱ्यांच्या वसाहतीतील आठ सदनिका फोडण्यात आल्याची घटना रविवारी उघडकीस आली. या प्रकरणात नेमका किती ऐवज चोरीला गेला, याची चौकशी सुरू असून या प्रकरणी पिंपरी ठाण्यात गुन्हा दाखल करण्यात आला आहे.
पिंपरी-मासुळकर कॉलनीतील ‘डब्लय़ू सेक्टर’ या इमारतीत पोलीस कर्मचारी, शिक्षण विभागातील लिपिक, न्यायालयीन कर्मचारी राहतात. सलग चार दिवस सुट्टी असल्यामुळे या ठिकाणी राहणारे अनेक कर्मचारी गावाला गेले आहेत, त्याचा फायदा घेऊन चोरटय़ांनी रविवारी पहाटे येथील आठ बंद सदनिका फोडल्या. त्यात सोन्याचांदीचे दागिने व रोख रक्कम असा ऐवज चोरीला गेला आहे. सदनिका फोडण्यापूर्वी चोरटय़ांनी शेजारच्या सदनिकांना बाहेरून कडय़ा लावल्या होत्या. फोडण्यात आलेल्या सदनिकांचा कडी कोयंडा उचकटून त्यांनी आत प्रवेश केला होता. सकाळी हा प्रकार उघडकीस आला. पिंपरी पोलीस ठाण्याचे उपनिरीक्षक सचिन निकम यांनी सांगितले, की आतापर्यंत एका सदनिकेतील रोख रक्कम आणि काही सोन्याचे दागिने चोरीला गेल्याचे समोर आले आहे. इतरांकडे दूरध्वनीवरून चौकशी करण्यात आली आहे. या इमारतीत कोणतीही सुरक्षाव्यवस्था नाही. सुरक्षारक्षक व सीसीटीव्ही लावण्याच्या सूचना करूनही त्याची अंमलबजावणी झाली नाही. या प्रकरणी अज्ञात चोरटय़ांविरुद्ध गुन्हा दाखल करण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 18, 2014 3:00 am

Web Title: crime robbery pimpri masulkar colony
टॅग Pimpri,Robbery
Next Stories
1 मुंबईतील नियंत्रण कक्षात दिसला पुण्यातील एटीएम फोडण्याचा प्रकार
2 धनगर संघटनांच्या मागणीला राष्ट्रवादीचा पाठिंबा- शरद पवार
3 राज्यात तीन महिन्यांत महायुतीची सत्ता अटळ – प्रकाश जावडेकर
Just Now!
X