News Flash

पुणे विभागीय आयुक्त सौरभ राव दुसर्‍यांदा करोनाबाधित; लसीचे दोन्ही डोस घेतले होते!

शुक्रवारीच घेतला होता लसीचा दुसरा डोस

संग्रहीत छायाचित्र

पुणे विभागीय आयुक्त सौरभ राव यांना दुसऱ्यांदा करोनाचा संसर्ग झाला आहे. विशेष म्हणजे त्यांनी लसीचे दोन्ही डोस घेतलेले असूनही त्यांना करोनाचा संसर्ग झाल्याचे समोर आले आहे. विभागीय आयुक्त कार्यालयातून याबाबत माहिती देण्यात आली आहे.

या अगदोर मार्च महिन्यात विभागीय आयुक्त सौरभ राव यांना करोनाचा संसर्ग झाल्याचे समोर आले होते. तर, करोनावरील पहिली लस घेतल्यानंतर अगदी काही दिवस होत नाही, तोच त्यांना करोनाचा संसर्ग झाला होता. त्यातून बाहेर पडून, प्रशासकीय कामाला देखील त्यांनी सुरुवात केली होती. त्यानंतर त्यांनी लसीचा दुसरा डोस शुक्रवारी घेतला होता. त्यामुळे त्यांना ताप आल्याने, सौरभ राव यांनी पुन्हा करोनाची तपासणी करण्याचा निर्णय घेतला. यावेळी त्यांचा रिपोर्ट पुन्हा एकदा करोना पॉझिटिव्ह आला.

दररोज प्रशासकीय बैठक आणि उपमुख्यमंत्री अजित पवार यांच्या समवेत प्रत्येक आठवड्याला करोना आढाव बैठक होत असल्याने, आता सर्व प्रशासकीय अधिकाऱ्यांना करोनाची चाचणी करावी लागणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 17, 2021 9:37 pm

Web Title: pune divisional commissioner saurabh rao infected with corona for the second time both doses of the vaccine were taken msr 87 svk 88
Next Stories
1 पुण्यातील अमनोरा सिटी कॉर्पोरेशन कंपनीला कर्मचाऱ्याने घातला लाखो रुपयांचा गंडा
2 पिंपरीत सहा कोटींचं रक्तचंदन पकडलं; WhatsApp मुळे बिंग फुटलं !
3 पुणे शहराचा पाणीपुरवठा गुरूवारी बंद राहणार!
Just Now!
X