05 March 2021

News Flash

पुणे : पीएमपीएमएलच्या कर्मचाऱ्यांनी प्रवाशांसाठी बसमध्येच बसवले सॅनिटायझर मशीन

बसमध्ये बसणारा प्रत्येक प्रवासी अगोदर पूर्णपणे सॅनिटायझ होणार

करोना विषाणूमुळे जगभरात हजारो निष्पाप नागरिकांचा बळी गेला आहे. या आजाराचे रुग्ण देशभरासह राज्यात मोठ्या प्रमाणावर आढळत आहे. त्या पार्श्वभूमीवर सरकार व स्थानिक प्रशासनाकडून विशेष दक्षता घेतली जात आहे. याचाच एक भाग म्हणून पुण्यातील पीएमपीएमएलच्या कात्रज डेपो मधील इंजिन विभागात काम करणारे राजेश पवार यांनी सॅनिटायझर फवारणी करणारे मशीन बसमध्ये बसविले आहे. अशा प्रकारची फवारणी यंत्रणा असणारी ही बस शहरातील एकमेव मानली जात आहे. यामुळे बसमध्ये बसणारा प्रत्येक प्रवासी सॅनिटायझ होणार आहे.

यावेळी कर्मचारी राजेश पवार यांच्याशी संवाद साधला असता ते म्हणाले, करोना विषाणूच्या पार्श्वभूमीवर आम्ही सर्व कर्मचारी विशेष काळजी घेत आहोत. आपल्या प्रवाशाची देखील काळजी घेतली पाहिजे. त्या दृष्टीने मी आणि माझ्या सहकाऱ्यांमध्ये आपण काय करू शकतो, अशी चर्चा सुरू होती. तेव्हा बसच्या पुढील आणि मागील बाजूच्या दरवाजाच्या वरील जागेवर एका पॉईंटच्या माध्यमातुन सॅनिटायझरची फवारणी होऊ शकते, असे चर्चेतून ठरले. त्यानुसार आम्ही इंजिनाच्या बाजूला एक 20 लिटरची टाकी तयार केली आणि तेथून छोट्या पाईपद्वारे प्रयोग करून पाहिला. त्यामध्ये यश देखील आले आहे. आता त्यामुळे बसमध्ये चढणारा प्रत्येक प्रवासी अगोदर सॅनिटायझ होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 16, 2020 6:07 pm

Web Title: pune pmpml employees install sanitizer machine on the bus for passengers msr 87 svk 88
टॅग : Coronavirus
Next Stories
1 Coronavirus : पुण्यात आणखी तिघांचा बळी, आत्तापर्यंत एकूण ४७ मृत्यू
2 पिंपरी-चिंचवडमध्ये ४ वर्षांच्या चिमुकलीसह चौघांना करोनाचा संसर्ग
3 Lockdown: पोलिसांकडून कामगार महिलांना सॅनिटरी नॅपकीन, साड्यांचे वाटप
Just Now!
X