10 August 2020

News Flash

‘विश्वमोहिनी वेब अॅप’ तीन महिन्यांत सातशेहून अधिकांकडून ‘डाऊनलोड’ !

‘विश्वमोहिनी डॉट कॉम’ या संकेतस्थळावरून मोफत डाऊनलोड करून घेतल्यानंतर ग्रामीण भागात लॅपटॉपवर इंटरनेटविनाही हे अॅप वापरता येऊ शकते.

घरच्या घरी संगीत सरावाची संधी उपलब्ध करून देणारे ‘विश्वमोहिनी वेब अॅप’ गेल्या तीन महिन्यांत सातशेहून अधिक जणांनी ‘डाऊनलोड’ करून घेतले आहे. ‘विश्वमोहिनी डॉट कॉम’ या संकेतस्थळावरून मोफत डाऊनलोड करून घेतल्यानंतर ग्रामीण भागात लॅपटॉपवर इंटरनेटविनाही हे अॅप वापरता येऊ शकते.
संगीतप्रेमी युवा सॉफ्टवेअर इंजिनीअर शिवराज सावंत या युवकाने ह्य़ा अॅपची निर्मिती केली आहे. पं. विजय दास्ताने, पं. मुकेश जाधव आणि पं. शशिकांत बेल्लारे यांच्याकडून शिवराज सावंत यांनी तबलावादनाचे शिक्षण घेतले आहे. संगीताच्या प्रेमापोटी त्यांनी विकसित केलेले अॅप संगीत शिकणाऱ्या नव्या विद्यार्थ्यांसाठी उपयुक्त ठरत आहे.
अॅपविषयी माहिती देताना सावंत म्हणाले,‘‘विश्वमोहिनी मेलडी प्लेअर’मध्ये गुरुजींनी शिकविलेल्या बंदिशींचे स्वरलेखन (नोटेशन्स) करू शकतो. या नोटेशन्स वाजवू शकतो आणि त्या मित्रांना ‘शेअर’ही करू शकतो. त्याचप्रमाणे सूर आणि तबला घेऊन नव्या स्वररचना करू शकतो. ताल आणि आवर्तन याची निवड करून ही स्वररचना करता येते. हे वेब अॅप संगीत शिकणारे विद्यार्थी, कलाकार आणि संगीतप्रेमींसाठी उपयुक्त ठरत आहे. त्यामुळे सॉफ्टवेअर इंजिनीअिरगच्या अभ्यासाचा उपयोग करून संगीताच्या प्रचारासाठी हे वेब अॅप विकसित केल्याचे समाधान लाभले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 12, 2015 3:24 am

Web Title: vishwamohini web app useful for practicing music
Next Stories
1 सारंगीसवे रंगली तान अन् मंत्रमुग्ध करणारी सतार
2 बेशिस्त वाहनचालक पळवताहेत पोलिसांचे ‘जॅमर’
3 पुण्याच्या पर्यायी रेल्वे टर्मिनलची गाडी यार्डातच!
Just Now!
X