टेम्पोच्या धडकेने दुचाकीस्वार तरुणाचा मृत्यू झाल्याची घटना शिवणे परिसरात घडली. या प्रकरणी टेम्पोचालकास अटक करण्यात आली. साहिल रेवननाथ वाळुंज (वय २०, रा. देशमुखवाडी, शिवणे) असे मृ्त्युमुखी पडलेल्या दुचाकीस्वाराचे नाव आहे. या प्रकरणी टेम्पो चालक पांडुरंग लक्ष्मण दाभाडे (वय ३३, रा. कोथरूड) याला अटक करण्यात आली. पोलीस शिपाई सागर जगताप यांनी याबाबत वारजे पाेलीस ठाण्यात फिर्याद दिली आहे. दुचाकीस्वार वाळुंज शिवणे भागातील एनडीए मैदानासमाेरून निघाला होता. त्या वेळी भरधाव टेम्पोने त्याला धडक दिली. अपघातात गंभीर जखमी झालेल्या वाळुंजचा उपचारादरम्यान मृत्यू झाला.
