राज्यात मतदार केंद्रांच्या संख्येत पुणे अव्वलस्थानी

हेही वाचा >>> लोकसभा निवडणुकीनंतर पुण्यात किती मतदार वाढले?

पुणे जिल्ह्यात २१ विधानसभा मतदारसंघ आहेत. आगामी विधानसभा निवडणुकीसाठी या मतदार संघांची प्रारूप मतदारयादी जिल्हाधिकारी डॉ. सुहास दिवसे यांनी मंगळवारी प्रसिद्ध केली. या प्रारूप मतदार यादीत जिल्ह्यात ८४१७ मतदान केंद्रांवर एकूण ८४ लाख ३९ हजार ७२९ मतदार असून त्यापैकी ४४ लाख तीन हजार ३४४ पुरुष, ४० लाख ३५ हजार ६४० महिला आणि ७४५ तृतीयपंथीय मतदार आहेत. नुकत्याच झालेल्या लोकसभा निवडणुकीत पुणे जिल्ह्यातील पुणे, बारामती, शिरूर आणि मावळ या चार लोकसभा मतदारसंघांसाठी मतदान केंद्रांची संख्या ही ८२१३ होती. विधानसभा निवडणुकीत पुणे जिल्ह्यात राज्यात सर्वाधिक मतदान केंद्रे असल्याचे उपजिल्हा निवडणूक अधिकारी मिनल कळसकर यांनी स्पष्ट केले.

हेही वाचा >>> पुणेकरांनो, आता खड्ड्यांच्या तक्रारींचा ‘पाऊस’ पाडा! तक्रार करण्यासाठी महापालिकेची विशेष व्यवस्था; १२२४ खड्ड्यांची दुरुस्ती

विधानसभा निवडणुकीसाठी मुंबई उपनगर, ठाणे, नागपूर या जिल्ह्यांतील मतदान केंद्रांची संख्या वाढली, तरी पुणे जिल्ह्यापेक्षा जास्त मतदान केंद्रे होण्याची शक्यता फारच कमी आहे. परिणामी पुणे जिल्ह्यात विधानसभा निवडणुकीत राज्यात सर्वाधिक मतदान केंद्रे असतील, असेही कळसकर यांनी सांगितले.

प्रमुख जिल्ह्यांमधील मतदान केंद्रे

मुंबई उपनगर – ७३८०

ठाणे – ६५९२

नाशिक – ४८००

नागपूर -४५१०

नगर – ३७३४

सोलापूर – ३६१७

जळगाव – ३५८२

कोल्हापूर – ३३६८

छत्रपती संभाजीनगर – ३०८५

नांदेड – ३०४७

सातारा – ३०२५

सिंधुदुर्ग – ९१८

गडचिरोली – ९५०