पिंपरीत गॅस सिलिंडरचा भीषण स्फोट ; दोन जण गंभीर जखमी!

घराच्या काचा फुटल्या, भिंतींना देखील गेले तडे

पिंपरी-चिंचवडमध्ये घरगुती गॅस सिलिंडरमधून गळती होऊन झालेल्या भीषण स्फोटात दोन तरुण गंभीर जखमी झाले आहेत. ही घटना आज दुपारी एक वाजेच्या सुमारास पिंपळे गुरव परिसरात घडली आहे. जखमी तरुणांवर पुण्यातील ससून रुग्णालयात उपचार सुरू आहेत. कुमार दिलीप सुकराम आणि रमेश अशी जखमी तरुणांची नावं आहेत. 

पोलिसांनी दिलेल्या माहितीनुसार, पिंपळे गुरव परिसरात मोरया पार्क येथे कुमार आणि रमेश हे दोन्ही तरुण खोली करून राहतात. आज दुपारी एक वाजेच्या सुमारास अचानक त्यांच्या खोलीमधील गॅस सिलिंडरचा भीषण स्फोट झाला. स्फोट अत्यंत भीषण असल्याने भींतीला तडे गेले आहेत, घरातील साहित्य अस्ताव्यस्त पडले. तर, खिडक्यांच्या काचा देखील फुटल्या आहेत.

या घटनेत दोघे तरुण गंभीर भाजले असून त्यांना तातडीने पुण्यातील रुग्णालयात दाखल करण्यात आलं आहे. हे दोघे ही डिलिव्हरी बॉय म्हणून काम करत असल्याचं सांगवी पोलिसांनी सांगितले आहे. अधिक तपास पोलीस उपनिरीक्षक गोसावी हे करत आहेत. 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व पुणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: A terrible explosion of a gas cylinder in pimpri two seriously injured msr 87 kjp

ताज्या बातम्या