लोकसत्ता प्रतिनिधी
पुणे : गेल्या काही काळापासून पुणे शहर आणि पुण्याजवळील औद्योगिक परिसरातील झुंडशाही आणि गुंडशाही अतिशय टोकाला गेल्याच्या घटना घडल्या आहेत. त्यामुळे अनेक मनुष्यबळ व्यवस्थापक हे त्याचे बळी ठरत आहेत. कोणतीही नवीन कारखाना सुरु होणार असल्यास त्यासाठी खडी, वाळू, बांधकाम साहित्य, कामगार, वाहतूक आणि भंगाराचे कंत्राट, पाणी टँकर हे आपल्याकडूनच घ्यावे आणि तेही आम्ही सांगू त्याच दरात घ्यावे, असे म्हणून प्रचंड प्रमाणात दमदाटी केली जात असल्याच्या तक्रारी होत आहेत, अशी कबुली राज्याचे उपमुख्यमंत्री आणि जिल्ह्याचे पालकमंत्री अजित पवार यांनी दिली. याबाबत आवश्यक कारवाई करण्यासाठी योग्य सूचना संबंधित विभागांना देऊ, असेही पवार यांनी सांगितले.

नॅशनल इन्स्टिट्यूट ऑफ पर्सोनेल मॅनेजमेंटच्या (एनआयपीएम) पिंपरी-चिंचवड चाकण चॅप्टरच्या वतीने आयोजित ‘पुणे आणि जवळपासच्या औद्योगिक परिसरातील मनुष्यबळ व्यवस्थापकांसमोरील आव्हाने व उपाययोजना’ या विषयावरील परिसंवादात उपमुख्यमंत्री पवार बोलत होते. ते म्हणाले, ‘औद्योगिक कंपन्यामधील मनुष्यबळ व्यवस्थापकांना भेडसावणाऱ्या समस्या सोडविण्यासाठी आवश्यक सर्व उपाययोजना अंमलात आणण्यात येतील. निवडणूक आचारसंहिता असल्याने कोणत्याही प्रकारची घोषणा घोषणा करू शकत नाही. मात्र, एनआयपीएमच्या शिष्टमंडळाला बोलावून या समस्या आणि त्यावरील उपाययोजनांबाबत निश्चितच बैठक घेऊ.’

Chief Minister Eknath Shinde refused to answer a question on the implementation of the package
पॅकेजच्या अंमलबजावणीवर मुख्यमंत्र्यांची सारवासारव; मराठवाडातील टंचाई आढावा बैठक वेळकाढूपणा असल्याची विरोधकांकडून टीका
state textile federation demand to chief minister to cancel annoying condition for power concession to looms
यंत्रमागाच्या वीज सवलतीची जाचक अट आणखी किती काळ?; अट रद्द करण्याची मुख्यमंत्र्यांकडे मागणी
Unannounced shutdown in Kalyan city due to Prime Minister Narendra Modis meeting
पंतप्रधान नरेंद्र मोदींच्या सभेने कल्याण शहर अघोषित बंद
karad a fight between two drunken
कराड: मद्यपी दोघा परप्रांतीय तरुणांच्या भांडणात एकाचा दांडक्याच्या मारहाणीत निर्घृण खून
Malabar Hill, Malabar Hill Residents , made unique manifesto, Malabar Hill resident manifesto, Demand Action on Parking, Demand Action on Traffic, arvind sawant, Lok Sabha Elections, Mumbai news, malbar hill news, marathi news,
नेत्यांसाठी रस्ते बंद करू नका, मलबार हिलवासियांचा अनोखा जाहीरनामा; मुख्यमंत्र्यांवर रहिवासी नाराज
Kolhapur Municipal Officer, Kolhapur Municipal Officer Suspended, Unauthorized Tree Felling, Unauthorized Tree Felling in Padmaraje Park, Kolhapur news, Kolhapur municipalitya, marathi news,
कोल्हापूर महापालिकेचे पर्यावरण अधिकारी समीर व्याघ्रांबरे निलंबित; पद्माराजे उद्यान्यातील वृक्षतोड प्रकरण भोवले
Shivajinagar, voters, BJP,
भाजपाचा बालेकिल्ला असलेल्या शिवाजीनगरमधील मतदारांमध्ये निरुत्साह? आतापर्यंत अवघे २३.२६ टक्के मतदान
The CCTV system in the area of the godown where the EVM machine of Satara is kept has collapsed
साताऱ्याची ईव्हीएम मशिन ठेवलेल्या गोदामाच्या परिसरातील सीसीटीव्ही यंत्रणा कोलमडली; शरदचंद्र  पवार गटाची जिल्हाधिकाऱ्यांकडे तक्रार

आणखी वाचा-राज्य कर निरीक्षक परीक्षेचा अंतिम निकाल एमपीएससीकडून जाहीर

पुणे हे देशाच्या औद्योगिक क्षेत्रातील प्रथम क्रमांकाचे शहर असून विशेषतः उत्पादन आणि माहिती तंत्रज्ञान केंद्र म्हणून पुण्याची ओळख आहे. पुण्यात उपलब्ध असलेले कुशल मनुष्यबळ, चांगली शाळा-महाविद्यालये आणि एकूणच सर्व पायाभूत सुविधांमुळे पुणे हे कायमच उद्योगजगताच्या गुंतवणुकीसाठी आकर्षण बिंदू ठरले आहे. देशात कोणताही नवीन उद्योग यायचा असल्यास प्रथम महाराष्ट्र आणि महाराष्ट्रात पुणे शहरालाच प्राधान्य असते, असेही पवार यांनी सांगितले.

दरम्यान, एनआयपीएम, मुळशी इंडस्ट्रिअल असोसिएशन यांच्या वतीने मनुष्यबळ व्यवस्थापकांना भेडसावणाऱ्या समस्यांचे लेखी निवेदन उपमुख्यमंत्री पवार यांना सुपूर्द करण्यात आले. प्रास्ताविक एनआयपीएम पिंपरी-चिंचवड चाकण चॅप्टरचे अध्यक्ष नवनाथ सूर्यवंशी यांनी केले. एनआयपीएमचे माजी राष्ट्रीय अध्यक्ष विश्वेश कुलकर्णी, मुळशी इंडस्ट्रिअल असोसिएशनचे अध्यक्ष सतीश करंजकर यांनी आपल्या मनोगतात मनुष्यबळ व्यवस्थापकांना सामोरे जावे लागणाऱ्या आव्हानांबाबत भाष्य केले. पुणे, पिंपरी-चिंचवड, चाकण, भोसरी, मुळशी, हिंजवडी, हडपसर, बारामती, जेजुरी आदी औद्योगिक परिसरातील विविध कंपन्यांचे सुमारे चारशेहुन अधिक मनुष्यबळ व्यवस्थापक अधिकारी या वेळी उपस्थित होते.