बुधवार पेठेत १२ लाखांचे मेफेड्रोन जप्त, अमली पदार्थ विरोधी पथकाची कारवाई

बुधवार पेठेत अमली पदार्थविरोधी पथक (दोन) गस्त घालत होते. त्या वेळी कटिमणी हा मेफेड्रोन (एमडी) विक्रीसाठी येणार असल्याची माहिती गस्त घालणारे पोलीस कर्मचारी सय्यद साहिल नजीर शेख यांना मिळाली. पोलिसांच्या पथकाने सापळा लावून कटिमणीला पकडले. त्याची झडती घेण्यात आली तेव्हा त्याच्याकडे मेफेड्रोन सापडले. त्याच्याकडून १२ लाख १२ हजार रुपयांचे मेफेड्रोन जप्त करण्यात आले. कटिमणीने मेफेड्रोन कोणाकडून आणले, तसेच कोणाला विक्री करणार होता, या दृष्टीने तपास करण्यात येत आहे.

गुन्हे शाखेचे अतिरिक्त पोलीस आयुक्त पंकज देशमुख, उपायुक्त निखिल पिंगळे, सहायक आयुक्त राजेंद्र मुळीक यांच्या मार्गदर्शनाखाली पोलीस निरीक्षक सुदर्शन गायकवाड, सहायक निरीक्षक नितीनकुमार नाईक, उपनिरीक्षक अस्मिता लाड, चेतन गायकवाड, मयूर सूर्यवंशी, साहिल शेख, उदय राक्षे, संदीप शेळके यांनी ही कारवाई केली.