scorecardresearch

Premium

बांगडीचे लटकन खेळताना चुकून लहान मुलीच्या नाकातून थेट फुफ्फुसात… डॉक्टरांनी दिले जीवदान

बांगडीला असलेले लटकन खेळताना चुकून तीन वर्षांच्या मुलीच्या नाकातून थेट फुप्फुसात गेले.

Doctors gave life to three-year-old girl by bronchoscopy
ब्रॉन्कोस्कोपी करून श्वसननलिकेला इजा न होता ती वस्तू बाहेर काढण्यात डॉक्टरांनी यश मिळवले आहे.(फोटो- प्रातिनिधिक छायाचित्र)

पुणे : बांगडीला असलेले लटकन खेळताना चुकून तीन वर्षांच्या मुलीच्या नाकातून थेट फुप्फुसात गेले. मुलीला श्वास घेण्यास त्रास होऊ लागल्याने कुटुंबीयांनी तिला रुग्णालयात दाखल केले. तिच्यावर ब्रॉन्कोस्कोपी करून श्वसननलिकेला इजा न होता ती वस्तू बाहेर काढण्यात डॉक्टरांनी यश मिळवले आहे.

या मुलीला ताप आणि खोकल्याचा त्रास झाल्याने तिला पिंपरीच्या डीपीयू प्रायव्हेट सुपर स्पेशालिटी रुग्णालयात दाखल करण्यात आले होते. तिला श्वास घेण्यासही त्रास होत होता. मुलीला श्वास घेताना उजव्या बाजूच्या श्वसननलिकेद्वारे पुरेशा प्रमाणात ऑक्सिजन मिळत नसल्याचे निदर्शनास आले. तिच्या उजव्या बाजूच्या फुप्फुसाचे आकारमान लहान होऊन ते अकार्यक्षम झाल्याचे निदान झाले. त्यानंतर फुप्फुसाचा संसर्ग वाढला.

The Wadhawan brothers in DHFL fraud
‘डीएचएफएल’च्या वाधवान बंधूंच्या बँक, डीमॅट खात्यांवर टाच 
love triangle nagpur
‘पती, पत्नी और वो…’ प्रेमाच्या त्रिकोणातून दोन संसार उद्ध्वस्त होण्याच्या मार्गावर; भरोसा सेलने…
method in madness congress black paper and white paper issued by the government fm nirmala sitharaman
समोरच्या बाकावरून : सगळेच काळे, सगळेच पांढरे
mill workers got houses
पात्र ५८५ गिरणी कामगार अखेर हक्काच्या घरात, कोन पवनेलमधील घरांचे वितरण

आणखी वाचा-ललित पाटील प्रकरणात ससून रूग्णालयातील डॉ. समीर देवकाते गजाआड

मुलीच्या फुप्फुसाचे सीटी स्कॅन करण्यात आले. तपासणीत मुलीच्या फुप्फुसात काही तरी वस्तू अडकल्याचे दिसले. त्यानंतर दुसऱ्याच दिवशी बालरोग विभागाच्या प्रमुख डॉ. शैलजा माने यांच्या नेतृत्वाखाली डॉक्टरांच्या पथकाने सुमारे आठ तास त्या चिमुकलीवर ब्रॉन्कोस्कोपीची प्रक्रिया केली. या गुंतागुंतीच्या प्रक्रियेदरम्यान, मुलीचा श्वास सुरू ठेवण्यासाठी तिला व्हेंटिलेटरवर ठेवण्यात आले. मुलीच्या श्वसननलिकेला कोणतीही इजा न होता बांगडीचे प्लॅस्टिकचे लटकन बाहेर काढण्यात अखेर डॉक्टरांना यश आले.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Doctors gave life to three year old girl by bronchoscopy surgery pune print news stj 05 mrj

First published on: 05-12-2023 at 10:23 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×