scorecardresearch

Premium

ससून संशयाच्या भोवर्‍यात! डॉ. ठाकूर यांच्या पदमुक्तीदिवशीच मुलाची एक्झिट

ससून सर्वोपचार रुग्णालयाचे तत्कालीन अधिष्ठाता डॉ. संजीव ठाकूर यांना राज्य सरकारने पदमुक्त केले, त्याच दिवशी त्यांच्या मुलाने राजीनामा दिल्याची बाब आता समोर आली आहे.

Dr Amey Thakur resigned from the post of Assistant Professor on the Dismissal day of Dr Sanjeev Thakur
ललित पाटील याने पलायन केल्याप्रकरणी चौकशी समितीने डॉ. ठाकूर यांच्यावर ठपका ठेवला होता.(फोटो- लोकसत्ता टीम)

पुणे : ससून सर्वोपचार रुग्णालयाचे तत्कालीन अधिष्ठाता डॉ. संजीव ठाकूर यांना राज्य सरकारने पदमुक्त केले, त्याच दिवशी त्यांच्या मुलाने राजीनामा दिल्याची बाब आता समोर आली आहे. विशेष म्हणजे डॉ. ठाकूर यांनी त्याच दिवशी हा राजीनामा मंजूर केला होता. त्यामुळे या प्रकरणी अनेक प्रश्न उपस्थित झाले आहेत.

ससून रुग्णालयातून अमली पदार्थ तस्करी प्रकरणाचा सूत्रधार ललित पाटील याने पलायन केल्याप्रकरणी चौकशी समितीने डॉ. ठाकूर यांच्यावर ठपका ठेवला होता. त्यानंतर राज्य सरकारने १० नोव्हेंबरला डॉ. ठाकूर यांना पदमुक्त केले तर अस्थिव्यंगोपचारशास्त्र पथकप्रमुख डॉ. प्रवीण देवकाते यांना निलंबित केले. याच दिवशी डॉ. ठाकूर यांचे पुत्र डॉ. अमेय ठाकूर यांनी सहायक प्राध्यापकपदाचा राजीनामा दिला. विशेष म्हणजे, त्याचदिवशी खुद्द डॉ. ठाकूर यांनी तो राजीनामा मंजूर केल्याची बाब समोर आली आहे.

farmer protest
गुन्हा दाखल झाल्यावरच अंत्यसंस्कार! शुभकरनच्या मृत्यूमुळे संतप्त शेतकऱ्यांचा ‘काळा दिवस’
ips officer sachin patil marathi news, ips sachin patil cat marathi news, ips sachin patil high court marathi news,
निनावी तक्रारीची दखल घेऊन स्पष्टीकरण का मागू नये ? सचिन पाटील यांच्या दाव्यावर उच्च न्यायालयाचा प्रश्न
Cases registered against BJP workers for Slogans in support of MLA Gaikwad in Ulhasnagar
उल्हासनगरमध्ये भाजप कार्यकर्त्यांवर गुन्हे दाखल, न्यायालय परिसरात आमदार गायकवाड यांच्या समर्थनार्थ घोषणाबाजी
A government lawyer who accepted a bribe of 1 lakh from Baba Bhand was sentenced to four years
बाबा भांड यांच्याकडून १ लाखांची लाच स्वीकारणाऱ्या सरकारी वकिलाला चार वर्षांची शिक्षा

आणखी वाचा-राज्य सरकार होणार मालामाल; आणली ‘ही’ योजना

डॉ. अमेय ठाकूर हे कंत्राटी पद्धतीने बी.जे. वैद्यकीय महाविद्यालयात सहायक प्राध्यापक म्हणून कार्यरत होते. त्यांचे कंत्राट हे १२० दिवसांच्या कालावधीचे होते. हा कालावधी पूर्ण झाल्यानंतर पुन्हा १२० दिवसांचे कंत्राटाचे नूतनीकरण करण्यात येत होते. डॉ. ठाकूर हे यंदा फेब्रुवारी महिन्यात सोलापूरमधील डॉ. वैशंपायन स्मृती शासकीय वैद्यकीय महाविद्यालयातून बदली होऊन ससूनमध्ये आले. त्यावेळी डॉ. अमेय ठाकूरही सोलापूरमधील महाविद्यालयातून ससूनमध्ये रूजू झाले.

डॉ. अमेय ठाकूर यांना मासिक सुमारे ८० ते ९० हजार रुपये वेतन होते. ते कंत्राटी पद्धतीने कार्यरत असल्याने त्यांना नोटीस कालावधीही नव्हता. डॉ. ठाकूर यांनी मुलाला बदलीच्या ठिकाणी प्रत्येक वेळी सोबत नेऊन तिथे रूजू केले होते. याचबरोबर डॉ. अमेय यांना झुकते माप देऊन इतर डॉक्टरांना डावलले जात असल्याच्या अनेक तक्रारी करण्यात आल्या होत्या. डॉ. अमेय यांना शस्त्रक्रिया करण्यासाठी सर्व अत्याधुनिक सुविधा पुरविण्यात आल्या होत्या, अशी माहिती सूत्रांनी दिली.

आणखी वाचा-पुणे मेट्रोला दिवाळीचा असाही फटका! प्रवासी अन् उत्पन्नातही मोठी घसरण

राजीनामा देण्याच्या वेळेबाबत प्रश्नचिन्ह

डॉ. संजीव ठाकूर यांनी मुलाचा राजीनामा १० नोव्हेंबरला मंजूर केला. त्याचदिवशी डॉ. अमेय यांनी राजीनामा दिला होता. डॉ. ठाकूर यांनी पदमुक्तीच्या आदेशानंतर तो राजीनामा मंजूर केला का, असा प्रश्न आता उपस्थित झाला आहे. याचबरोबर पदमुक्तीच्या आदेशाआधी राजीनामा मंजूर केला असेल तर कारवाईची कुणकुण डॉ. ठाकूर यांना आधीच लागली होती का, असाही प्रश्न उपस्थित होत आहे.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Dr amey thakur resigned from the post of assistant professor on the dismissal day of dr sanjeev thakur pune print news stj 05 mrj

First published on: 07-12-2023 at 12:30 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×