पुणे- धुळवडीला मार्केट यार्डातील आंबेडकरनगरमध्ये गोळीबार, दोन गटात हाणामारी

पुणे: धुळवडीला मार्केट यार्ड परिसरातील डॉ. आंबेडकरनगर परिसरात हाणामारी झाल्याची घटना घडली. दोन गटात हाणामारी झाल्यानंतर गोळीबार करण्यात आल्याची माहिती मिळाली आहे. या घटनेची माहिती मिळताच पोलिसांनी घटनास्थळी धाव घेतली. गोळीबारात एक जण जखमी झाला असून त्याला तातडीने रुग्णालयात दाखल करण्यात आले.

आणखी वाचा- लहान मुलांची भांडणे, दोन कुटुंबात हाणामारी; लोणीकंद पोलिसांकडून १५ जणांवर गुन्हा

मार्केट यार्ड भागातील डॉ. आंबेडकरनगर परिसरात मंगळवारी दुपारी दोन गटात वाद झाला. वादावादीचे पर्यवसन हाणामारीत झाले. दोन्ही गटातील साथीदारांनी एकमेकांना मारहाण केली. हाणामारीत पिस्तुलातून गोळीबार झाल्याची प्राथमिक माहिती पोलिसांना मिळाली असून पोलिसांनी घटनास्थळी धाव घेतली आहे.