“वहिनी, तुम्ही हे केले. पण, सांगितले नाही….”, बारामतीमध्ये सुनेत्रा पवार यांच्या परिचयपत्रकाचे प्रकाशन

बारामती : ‘वहिनी, तुम्ही हे केले. पण, सांगितले नाही….’ अशा आशयाचे शीर्षक देत बारामती लोकसभा मतदारसंघातील महायुतीच्या संभाव्य उमेदवार सुनेत्रा पवार यांचे परिचयपत्रक प्रकाशित करण्यात आले आहे. त्यामुळे आगामी लोकसभा निवडणुकीच्या रिंगणात विद्यमान खासदार सुप्रिया सुळे यांच्याविरुद्ध अजित पवार गटाकडून सुनेत्रा पवार याच उमेदवार असतील हे आता जवळपास निश्चित झाले आहे.