पुणे : घरासमोर खेळणाऱ्या मुलींशी अश्लील कृत्य करणाऱ्या ज्येष्ठ नागरिकाविरुद्ध वारजे पोलिसांनी गुन्हा दाखल केला. याबाबत एकाने वारजे पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, एका ज्येष्ठ नागरिकाविरुद्ध गुन्हा दाखल करण्यात आला आहे. तक्रारदार कर्वेनगर भागात राहायला आहे. तक्रारदाराची सात वर्षांची मुलगी आणि शेजाऱ्यांची आठ वर्षांची मुलगी घरासमोर असलेल्या पटांगणात खेळत हाेत्या. त्यावेळी ज्येष्ठ नागरिक तेथे आला. त्याने अल्पवयीन मुलींशी अश्लील कृत्य केले. त्यानंतर ज्येष्ठ नागरिकाने सोसायटीच्या आवारात खेळणाऱ्या मुलींंशी पुन्हा अश्लील कृत्य केले. मुलींनी याबाबतची माहिती पालकांना दिल्यानंतर तक्रार देण्यात आली. हेही वाचा. एकतर्फी प्रेमातून महाविद्यालयीन तरुणीच्या चेहऱ्यावर ॲसिड फेकण्याची धमकी; तरुण अटकेत हेही वाचा. फसलेल्या नियोजनाचा ‘पुणे पॅटर्न’! मेट्रोसह मोठ्या प्रकल्पांत सरकारी खोडा ज्येष्ठ नागरिकाविरुद्ध बाललैंगिक अत्याचार प्रतिबंधक कायद्यान्वये गुन्हा दाखल करण्यात आला असून, पोलीस उपनिरीक्षक जाधव तपास करत आहेत.
