पुणे : गंगाधाम रस्त्यावर गॅरेजमध्ये आग; १७ दुचाकी जळाल्या

त्यानंतर अग्निशमन दलाचे चार बंब घटनास्थळी दाखल झाले. अग्निशमन दलाचे जवान घटनास्थळी पोहोचेपर्यंत गॅरेजमधील दुचाकींनी पेट घेतला होता. जवानांनी पाण्याचा मारा करून आग आटोक्यात आणली. आगीत १७ दुचाकी जळाल्या.

हेही वाचा…शिक्षण आयुक्तालयात २३ पदांची भरती; जाणून घ्या सविस्तर…

आग लागल्यानंतर परिसरात मोठ्या प्रमाणावर धूर निर्माण झाला होता. पहाटे झोपेत असलेल्या रहिवाशांना धुरामुळे जाग आली. आगीत कोणी जखमी झाले नाही. आगीमागचे कारण समजू शकले नाही, अशी माहिती अग्निशमन दलातील अधिकाऱ्यांनी दिली. गॅरेजमध्ये दुरुस्तीसाठी आलेल्या दुचाकी जळाल्या असून १७ दुचाकींना झळ पोहोचली आहे.