scorecardresearch

Premium

पुणे : सिंहगडावर आता ‘सिग्नेचर वाॅक’

सकाळी साडेसहाला सुरू होणाऱ्या या वाॅकमध्ये सिंहगड किल्ला आणि त्यावरील ऐतिहासिक ठिकाणे दाखविण्यात येणार आहेत, असे विकास ढाकणे यांनी सांगितले.

pune signature walk, pune tourism, sinhagad in pune, signature walk in pune
पुणे : सिंहगडावर आता ‘सिग्नेचर वाॅक’ (संग्रहित छायाचित्र)

पुणे : पर्यटनाला चालना देण्यासाठी सिंहगड किल्ल्यावर येत्या काही दिवसांत ‘सिग्नेचर वाॅक’ सुरू करण्यात येणार आहे. सिंहगड किल्ल्यानंतर या सिग्नेचर वाॅकमध्ये आंबेगाव येथील शिवसृष्टी हा थीम पार्क दाखविण्यात येणार आहे. स्वारगेट येथून वातानुकूलित गाड्यांद्वारे ही सुविधा देण्यात येणार असून, त्यामुळे पर्यटनाला चालना मिळेल, असा दावा महापालिका प्रशासाकडून करण्यात आला आहे. शहराची सांस्कृतिक आणि ऐतिहासिक महत्त्वाची ओळख विद्यार्थी, नागरिक, पर्यटकांना व्हावी, यासाठी महापालिकेने स्वयंसेवी संस्थांच्या सहकार्याने हेरिटेज वाॅक हा उपक्रम सुरू केला आहे.

शनिवारवाडा ते विश्रामबागवाडा या ऐतिहासिक वास्तू दरम्यानची १२ ऐतिहासिक ठिकाणे पायी फिरून या उपक्रमातून दाखविली जातात. त्याच धर्तीवर सिंहगड किल्ला आणि शिवसृष्टी येथे दुसरा हेरिटेज वाॅक सुरू करण्यात येणार आहे. अतिरिक्त आयुक्त विकास ढाकणे यांनी त्यासाठी पुढाकार घेतला आहे. सिंहगड किल्ला येथे त्याअंतर्गत सिग्नेचर वाॅक सुरू करण्यात येणार आहे. स्वारगेट येथून वातानुकूलित मध्यम आसनक्षमतेच्या गाड्यांद्वारे ही सुविधा दिली जाणार आहे. तसेच विविध भागांतील पर्यटकांना स्वारगेट येथे येणे सोईचे व्हावे यासाठी शहराच्या सर्व भागातून स्वारगेटसाठी गाड्या सोडण्यात येणार आहेत.

Two kilos of ganja seized in Kondhwa area one arrested
कोंढवा परिसरात दोन किलो गांजा जप्त; गांजा विक्री प्रकरणात सराईत अटकेत
man and his son stabbed young man for a trivial reason
नागपुरात २१ दिवसांत १५ हत्याकांड! क्षुल्लक कारणावरून बापलेकाने युवकाला भोसकले
tiger from Tipeshwar sanctuary
टिपेश्वर अभयारण्यातील ‘त्या’ वाघाची फासातून सुटका, शिकाऱ्यांनी लावला होता…
leopard cubs rescue in sanjay gandhi national park
दुरावलेली बिबट्याची तीन पिल्ले संजय गांधी राष्ट्रीय उद्यानाच्या ताब्यात

हेही वाचा : पुणे : पावसाचा परतीचा प्रवास सोमवारपासून; हवामान विभागाचा अंदाज

परदेशी पर्यटकांना हाॅटेलमधून थेट सिग्नेचर वाॅकमध्ये सहभागी होण्यासाठी बससुविधा देण्याचे नियोजित आहे. सकाळी साडेसहाला सुरू होणाऱ्या या वाॅकमध्ये सिंहगड किल्ला आणि त्यावरील ऐतिहासिक ठिकाणे दाखविण्यात येणार आहेत, असे विकास ढाकणे यांनी सांगितले. प्रस्तावित सिग्नेचर वाॅक शुक्रवारी प्रायोगिक तत्त्वावर आयोजित करण्यात आला. अतिरिक्त आयुक्त विकास ढाकणे, कार्यकारी अभियंता सुनील मोहिते, शाखा अभियंता दीपक बारभाई, पर्यटक मार्गदर्शक डाॅ. अजित आपटे या वेळी उपस्थित होते.

हेही वाचा : वरिष्ठ पोलीस अधिकारी विजय रमण यांचे निधन

दरम्यान, महापालिकेकडून नरवीर तानाजी मालुसरे समाधिस्थळ सुशोभीकरणाचे काम हाती घेण्यात आले आहे. समाधिस्थळाच्या दर्शनी भागातील दुसऱ्या टप्प्याचे काम लवकरच हाती घेण्यात येणार आहे. तसेच छत्रपती राजाराममहाराज समाधिस्थळ संवर्धन करण्याचे काम हाती घेण्यात येणार असून, किल्ल्यावर दिशादर्शक फलक लावण्यात येणार आहेत. सिग्नेचर वाॅकमध्ये सहभागी होण्यासाठी http://heritage walk.pmc.gov.in या लिंकद्वारे नोंदणी करता येणार आहे.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In pune pmc to start soon signature walk for sinhagad fort to boost tourism pune print news apk 13 css

First published on: 23-09-2023 at 09:41 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×