पुणे: शाळकरी मुलीला वेश्याव्यवसायास प्रवृत्त केल्याप्रकरणी दोन महिलांना सक्तमजुरी

काेमल सुनील मोरे उर्फ कोरे (वय २६, रा. कोथरूड, मूळ रा. भोर), रेश्मा महेश गायकवाड उर्फ रेश्मा सुरोसे (यय २९, रा. उत्तमनगर), सुनील ब्रिजलाल कोरी (वय २९, रा. येवलेवाडी, कोंढवा, मूळ रा. उत्तर प्रदेश), जसाराम भयाराम सुतार (वय ५७, रा. वडगाव बुद्रुक, सिंहगड रस्ता) अशी शिक्षा सुनावलेल्यांची नावे आहेत. आरोपी महिला आणि साथीदारांनी एका पंधरा वर्षीय शाळकरी मुलीला पुण्यात चांगले शिक्षण देण्याचे आमिष दाखवून तिला गावाहून आणले होते. मुलीला शाळेत पाठविण्याऐवजी आरोपींनी तिला वेश्याव्यवसायास प्रवृत्त केले होते. याबाबत पोलिसांकडे तक्रार दाखल झाल्यानंतर चौघांना अटक करण्यात आली होती.

या खटल्यात सरकार पक्षाकडून सरकारी वकील नितीन कोंधे यांनी बाजू मांडली. सरकार पक्षाने नऊ साथीदारांची साक्ष नोंदविण्यात आली. खटल्यात पीडित मुलीची साक्ष महत्त्वाची ठरली. मुलीचा जन्मदाखला नव्हता. त्यामुळे सरकार पक्षाने शाळेतील कागदपत्रे, तसेच शिक्षिकेची साक्ष नोंदविली. गुन्हा घडला त्यावेळी मुलगी अल्पवयीन असल्याचे सिद्ध झाले. आरोपी कोमल मोरेने मुलीला आमिष दाखवून पळवून आणल्याचे सिद्ध झाले. मुलीला वेगवेगळ्या हाॅटेलमध्ये पाठविण्यात आले. तिला वेश्याव्यवसायास प्रवृत्त करण्यात आले. सरकार पक्षाने केलेला युक्तिवाद ग्राह्य धरुन आरोपी महिलांसह चौघांना शिक्षा सुनावण्यात आली.