scorecardresearch

पुणे : एमएनजीएलच्या गॅस वाहिनीला पुन्हा आग, सिंहगड रस्त्यानंतर खराडीतील घटना; गॅस पुरवठा विस्कळीत

सिंहगड रस्ता भागात शुक्रवारी मध्यरात्री गॅस वाहिनीला आग लागल्याची घटना घडली होती. त्यानंतर आता खराडीतील विठ्ठल बोराटे नगर परिसरात एमएनजीएलच्या गॅस वाहिनीला आग लागली.

पुणे : एमएनजीएलच्या गॅस वाहिनीला पुन्हा आग, सिंहगड रस्त्यानंतर खराडीतील घटना; गॅस पुरवठा विस्कळीत
पुण्यात एमएनजीएलच्या गॅस वाहिनीला पुन्हा आग (प्रातिनिधिक छायाचित्र)

पुणे : सिंहगड रस्ता भागानंतर आता खराडी भागात एमएनजीएलच्या गॅस वाहिनीला आग लागल्याची घटना घडली. गॅस वाहिनीला आग लागल्याने खराडी भागातील गॅस पुरवठा विस्कळीत झाला.

हेही वाचा – पिंपरी-चिंचवडमध्ये पोलिसांच्या दमदाटीमुळे तरुणाच्या मृत्यूचा नातेवाईकांचा आरोप, उपायुक्तांकडून चौकशीचे आदेश

हेही वाचा – राज ठाकरे पुन्हा अयोध्येत आल्यास स्वागत करणार का? या प्रश्नावर खासदार बृजभूषण सिंह म्हणाले, “मी कुस्तीचा…”

सिंहगड रस्ता भागात शुक्रवारी मध्यरात्री गॅस वाहिनीला आग लागल्याची घटना घडली होती. त्यानंतर आता खराडीतील विठ्ठल बोराटे नगर परिसरात एमएनजीएलच्या गॅस वाहिनीला आग लागली. या घटनेची माहिती मिळताच अग्निशमन दलाचे जवान रघुनाथ भोईर, उमाकांत डगळे, विलिन रावत, नवनाथ वायकर, अमित वाघ यांनी घटनास्थळी धाव घेतली. वाहिनीच्या शेजारी असलेल्या हातगाडीने पेट घेतला होता. जवानांनी पाण्याचा मारा करून आग आटोक्यात आणली. एमएनजीएलच्या तंत्रज्ञांनी घटनास्थळी धाव घेऊन गॅस पुरवठा बंद केला आणि तातडीने दुरुस्तीचे काम हाती घेतले. सुदैवाने या घटनेत कोणी जखमी झाले नाही.

मराठीतील सर्व पुणे ( Pune ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 14-01-2023 at 17:59 IST

संबंधित बातम्या