बारामतीमधून उभे न राहिलेलेच बरे! अजित पवार यांचे विधान; ‘तुम्हीच आमदार हवे,’ असा कार्यकर्त्यांचा आग्रह

‘बारामतीमधून निवडणूक लढविण्यात रस नाही,’ असे वक्तव्य करून अजित पवार यांनी मध्यंतरी राजकीय वर्तुळात खळबळ उडवून दिली होती. त्या पार्श्वभूमीवर, बारामतीतील राष्ट्रवादी काँग्रेस भवनात रविवारी झालेल्या कार्यक्रमात अजित पवार म्हणाले, ‘मी आता ६५ वर्षांचा झालो आहे. मी तसा समाधानी आहे. जिथे पिकते तिथे विकत नाही, ही गोष्ट सगळ्यांनी लक्षात घेणे आवश्यक आहे. मी सोडून बारामतीला दुसरा कोणी तरी आमदार मिळायला हवा. काम करूनही अशी गंमत होणार असेल, तर झाकली मूठ सव्वा लाखांची असेच म्हणावे लागेल. मी सोडून दुसरा कोणी आमदार झाला म्हणजे बारामतीकरांना समजेल.’

आणखी वाचा

Ratan Tata Death : “नैतिकता जपत उद्योगाबरोबरच देश अन् समाजाचा विकास करण्याची विचारधारा…”, मुख्यमंत्री एकनाथ शिंदेंनी रतन टाटांना वाहिली श्रद्धांजली!

कोण आहे ३० वर्षांचा पुणेकर शांतनू नायडू? त्याची…

अमित देशमुख यांच्या विधानाने लातूरात काँग्रेस कार्यकर्त्यांमध्ये अस्वस्थता

महिलांवरील वाढत्या अत्याचाराबाबत शरद पवारांचे मोठे वक्तव्य, म्हणाले…

एकाच टप्प्यात मतदान घ्या! सत्ताधारी शिंदे, पवार गटासह ठाकरे गटाचीही मागणी; भाजप, काँग्रेसचे मात्र मौन

नव्यांचे लाड करताना जुन्या कार्यकर्त्यांनाही संधी द्या! भाजप नेत्यांची नेतृत्वाकडे मागणी

Supriya Sule : “राज्यात काँग्रेसचा मुख्यमंत्री होईल”, बाळासाहेब थोरातांच्या विधानावर सुप्रिया सुळेंची एका वाक्यात प्रतिक्रिया; म्हणाल्या…

मुक्तीसंग्राम कार्यक्रमाला लातूरमध्ये पालकमंत्र्यांपासून खासदार-आमदारांची दांडी

हेही वाचा – इंद्रायणी, चंद्रभागा, गोदावरी या नद्या प्रदूषणमुक्त करणार; मुख्यमंत्री एकनाथ शिंदे यांची ग्वाही

‘सन १९९१ पासून २०२४ पर्यंत बारामतीकरांनी मला संधी दिली. माझ्या कामाची तुलना अन्य कोणत्याही आमदारांबरोबर करता येणार नाही. बारामतीकरांच्या नादाला लागायचे काम नाही. बारामतीकरांनी मला शिकवायला जाऊ नये. मला उडवून लावले, तर तुमचे काय याचा विचार करा. मला अनेक कामे करायची आहेत. मीपण माणूस आहे. मी जिथे दुसऱ्याला खासदार, आमदार करतो तिथे जर अशी परिस्थिती होणार असेल, तर झाकली मूठ सव्वा लाखाची राहिलेली बरी असे वाटते,’ असे अजितदादा म्हणाले.

‘मी पाच वेळा राज्याचा उपमुख्यमंत्री झालो. शरद पवार चार वेळा मुख्यमंत्री झाले. शरद पवार मुख्यमंत्री असताना त्यांनी विविध मंत्रिपदे सांभाळली. मात्र, त्यांनी कधीही अर्थ खाते स्वतःकडे ठेवले नाही. मी माझ्याकडे अर्थ खाते घेतले. त्या माध्यमातून मी मतदारसंघात निधी कसा आणता येईल याचा बारकाईने विचार केला. काही दिवसांपूर्वी माझ्या अर्थ खात्याबद्दल कोणी तरी टिप्पणी केली. त्यांना काय बोलायचे ते बोलू द्या, तुम्ही त्यांच्याकडे लक्ष देऊ नका,’ अशा शब्दांत त्यांनी बारामतीच्या खासदार सुप्रिया सुळे यांच्यावर टीका केली.

हेही वाचा – ऐन गणेशोत्सवात सीएनजी महागला! पुणे, पिंपरीतील बदललेले दर जाणून घ्या …

पवार म्हणाले, ‘बारामती मतदारसंघात मला अजूनही भरपूर कामे करायची आहेत. मी कामे करायची की नाही, हे तुमच्या हातात आहे. मीही एक माणूस आहे. इतके सगळे करूनही मला हे बघावं लागत असेल, तर मी निवडणुकीला उभा न राहिलेलाच बरा!’