भेंडी, घेवड्याच्या दरात वाढ

पुणे विभागातून ४०० ते ५०० गोणी सातारी आले, भेंडी ५ ते ६ टेम्पो, गवार ४ ते ५ टेम्पो, टोमॅटो ८ ते १० हजार पेटी, हिरवी मिरची १० ते १२ टेम्पो, काकडी ७ ते ८ टेम्पो, फ्लॉवर ८ ते १० टेम्पो, गाजर ४ ते ५ टेम्पो, कोबी ५ ते ६ टेम्पो, ढोबळी मिरची ८ ते १० टेम्पो, भुईमूग शेंग १०० गोणी, मटार ५०० ते ६०० गोणी, तांबडा भोपळा १० ते १२ टेम्पो, कांदा ९० ते १०० ट्रक अशी आवक झाली, तसेच इंदूर, आग्रा, स्थानिक भागातून बटाटा ५० ते ५५ टेम्पो अशी आवक झाली.

पालेभाज्यांचे दर स्थिर

नवरात्रोत्सवाचा प्रारंभ सोमवारपासून (२२ सप्टेंबर) होत आहे. नवारात्रोत्सवात अनेकजण उपवास करतात. उपवासामुळे पालेभाज्यांना मागणी कमी राहणार असून, पालेभाज्यांचे दर स्थिर असल्याची माहिती व्यापाऱ्यांनी दिली. गुलटेकडी मार्केटयार्डातील तरकारी विभागात रविवारी कोथिंबीर दीड लाख जुडी, तसेच मेथीच्या ३० हजार जुडींची आवक झाली होती. पालेभाज्यांचे दर (शेकडा जुडी) – कोथिंबीर – ८०० ते १५००, मेथी – १२०० ते २०००, शेपू – ८०० ते १०००, कांदापात – ८०० ते २०००, चाकवत – ४०० ते ७००, करडई- ३०० ते ७००, पुदीना – ५०० ते १०००, अंबाडी – ३०० ते ७००, मुळे – ८०० ते १५००, राजगिरा – ४०० ते ७००, चुका- ५०० ते ८००, चवळई – ३०० ते ७००, पालक – ८०० ते १५००

नवरात्रोत्सवानिमित्त फळांना मागणी

नवरात्राेत्सवानिमित्त फळांना मागमी वाढली आहे. मार्केट यार्डातील फळबाजारात फळांची आवक वाढली आहे. लिंबांच्या दरात गोणीमागे ५० ते ६० रुपये आणि सीताफळाच्या दरात दहा टक्क्यांनी वाढ झाली. अन्य फळांचे दर स्थिर असल्याची माहिती व्यापाऱ्यांनी दिली. रविवारी फळबाजारात मोसंबी ८० ते ९० टन, संत्री २० ते २२ टन, डाळिंब १०० ते १२० टन, पपई ७ ते ८ टेम्पो, लिंबे एक हजार गोणी, कलिंगड ३ ते ४ टेम्पो , खरबूज २ ते ३ टेम्पो, चिकू एक हजार खोकी, पेरू ८०० ते ९०० प्लास्टिक जाळी, अननस ४ ट्रक, बोरे २५ ते ३० पोती, सफरचंद ७ ते ८ हजार पेटी, सीताफळ १५ ते २० टन अशी आवक झाली.