पाच टक्के नजराणा भरून जमिनी पुन्हा ताब्यात

शेतकऱ्यांचा ताबा असणाऱ्या ४६४ प्रकरणांमध्ये ४६७.५१ हेक्टर इतके जमिनीचे क्षेत्र आहे. एकूण ४९९ प्रकरणांमध्ये सरकारचा जमिनीवर ताबा असलेली ३५ प्रकरणे असून त्याचे क्षेत्र ५३.०९ हेक्टर इतके आहे.

जमीन पुन्हा बहाल करताना शेतकऱ्यांना पाच टक्के रक्कम भरण्याची अट ठेवण्यात आली आहे. त्यासाठी संबंधित शेतकऱ्यांना आता जिल्हा प्रशासनाने नोटिसा देण्याची कार्यवाही सुरू केली आहे. तहसीलदारांना तसे आदेश दिले आहेत. मूळ मालक किंवा त्यांचे कायदेशीर वारसांनी नोटीस प्राप्त झाल्यापासून ९० दिवसांमध्ये जमिनीची मालकी हक्क सिद्ध करणारे पुरावे घेऊन तहसीलदाराकंडे अर्ज करावा लागणार आहे, असे कूळ कायदा विभागाचे उपजिल्हाधिकारी नामेदव टिळेकर यांनी सांगितले.