पुणे: एमपीएससीकडून महाराष्ट्र कृषी सेवा मुख्य परीक्षा २०२१चा निकाल जाहीर

एमपीएससीतर्फे १० ते १३ एप्रिल या कालावधीत महाराष्ट्र कृषी सेवा मुख्य परीक्षा २०२१च्या मुलाखती घेण्यात आल्या होत्या. उमेदवारांच्या माहितीसाठी प्रस्तूत निकाल व प्रत्येक प्रवर्गाकरीता शिफारसपात्र ठरलेल्या शेवटच्या उमेदवाराचे पात्रतागुण एमपीएससीच्या संकेतस्थळावर प्रसिद्ध करण्यात आले आहेत. अंतिम निकालात शिफारसपात्र न ठरलेल्या उमेदवारांना त्यांच्या उत्तरपत्रिकेतील गुणांची पडताळणी करायची असल्यास त्यांनी गुणपत्रके त्यांच्या ऑनलाइन खात्यात पाठवल्याच्या दिनांकापासून १० दिवसांत एमपीएससीकडे ऑनलाइन अर्ज करणे आवश्यक असल्याची माहिती एमपीएससीने दिली.