पुणे : विक्री न झालेल्या घरांच्या संख्येवरून गृहनिर्माण क्षेत्राच्या स्थितीचे मूल्यमापन केले जाते. देशातील विक्री न झालेल्या घरांची संख्या गेल्या ६ वर्षांत मोठ्या प्रमाणात कमी झाली आहे. दिल्लीत सर्वाधिक ५६ टक्क्यांनी ही संख्या कमी झाली असून, मुंबई आणि पुण्यात ८ टक्क्यांनी घटले आहे. त्यामुळे गृहनिर्माण क्षेत्रातील वाढती मागणी समोर आली आहे. अनारॉक ग्रुपने देशातील मालमत्ता क्षेत्राचा अहवाल जाहीर केला आहे. त्यानुसार, दिल्लीत विक्री न झालेल्या घरांची संख्या मोठ्या प्रमाणात कमी झाली आहे. गेल्या ६ वर्षांत दिल्लीतील विक्री न झालेल्या घरांची संख्या ५७ टक्क्यांनी घटली आहे. याचवेळी बंगळुरू, हैदराबाद आणि चेन्नईत ही संख्या ११ टक्क्यांनी कमी झाली असून, कोलकात्यात ४१ टक्क्यांनी कमी झाली आहे. मुंबई आणि पुण्यात ही संख्या ८ टक्क्यांनी घटली आहे. आणखी वाचा-पुण्यातील डॉक्टरांनी अधिवृक्क ग्रंथीतून काढली २३ सेंटिमीटरची गाठ! लिम्का बुक ऑफ रेकॉर्ड्स, एशिया बुक ऑफ रेकॉर्ड्समध्ये नोंद दिल्लीत २०१८ मधील पहिल्या तिमाहीत विक्री न झालेल्या घरांची संख्या २ लाख होती. यंदा पहिल्या तिमाहीअखेर ही संख्या ८६ हजार ४२० वर आली आहे. याचवेळी दक्षिणेकडील बंगळुरू, हैदराबाद आणि चेन्नईत या शहरांत मिळून ही संख्या १ लाख ९६ हजारांवरून १ लाख ७६ हजारांवर आली आहे. हैदराबादमध्ये नवीन घरांच्या पुरवठ्यात गेल्या ६ वर्षांत चौपट वाढ झाली आहे. त्यामुळे विक्री न झालेल्या घरांची संख्या अधिक दिसत आहे. केवळ बंगळुरूचा विचार करता ६ वर्षांत विक्री न झालेल्या घरांची संख्या ५० टक्क्यांनी घटली आहे. मुंबई आणि पुण्याचा विचार करता विक्री न झालेल्या घरांची संख्या ६ वर्षांत ३ लाख १३ हजारांवरून २ लाख ९० हजारांवर आली आहे, असे अहवालात नमूद करण्यात आले आहे. आणखी वाचा-थरार! मनोरुग्ण पुणे रेल्वे स्थानकाच्या छतावर चढतो तेव्हा… विक्री न झालेल्या घरांची संख्या विभाग जानेवारी ते मार्च २०१८जानेवारी ते मार्च २०२४उत्तर (दिल्ली) २,००,४७६८६,४२०दक्षिण (बंगळुरू, हैदराबाद, चेन्नई)१,९६,४०६१,७५,५२०पश्चिम (मुंबई, पुणे) ३,१३,४८५२,८९,६७७पूर्व कोलकता४९,५६०२९,२७८ दिल्लीत नवीन घरांचा पुरवठा विकासकांनी नियंत्रणात ठेवल्याने विक्री न झालेल्या घरांची संख्या मोठ्या प्रमाणात कमी होण्यास मदत झाली. देशभरात नवीन घरांचा पुरवठा वाढत असताना विक्री न झालेल्या घरांचे प्रमाण कमी होत असून, गृहनिर्माण क्षेत्राची आगेकूच त्यातून दिसून येत आहे. -संतोष कुमार, उपाध्यक्ष, अनारॉक ग्रुप
