पुणे- मुंबई द्रुतगती मार्गावर आज भीषण अपघात झाला असून सुदैवाने यात जीविहितहानी झालेली नाही. चालकाचा कारवरील ताबा सुटल्याने कार थेट रस्त्यालगतच्या दुभाजकाला ( डिव्हायडर ) धडकली. यावेळी दुभाजकाला एक भाग कारच्या आरपार शिरला. दैव बलवत्तर असल्याने कारमधील तिघे जण सुखरूप बचावले असून एक महिला किरकोळ जखमी झाली आहे. हा अपघात सकाळी साडेसातच्या सुमारास सोमाटने एक्झिटला झाला. निल कुसुम आका (चालक), सारा अमिताभ मुजावर आणि इवा अमिताभ मुजावर अशी कार मधून प्रवास करणाऱ्या व्यक्तींची नाव आहेत.हे सर्व जण मुंबईतील रहिवासी आहेत.
हेही वाचा… पुणे: महाविद्यालयीन युवतीचा विनयभंग करुन पसार झालेल्या रिक्षाचालकाला जेजुरीतून अटक
मुंबईहुन पुण्याचे दिशेने प्रवास करणाऱ्या कारवरील ताबा सुटल्याने हा अपघात झाल्याचं सांगण्यात येत आहे. द्रुतगती मार्गावरून सोमाटने एक्झिट येथून देहूरोडच्या रस्त्याला वळत असताना कारवरील ताबा सुटून कार थेट पत्राच्या दुभाजकाला ला धडकली आणि कारच्या आरपार दुभाजकाचा पत्रा शिरला. अधिक तपास शिरगाव पोलिस करत आहेत.
