प्रामाणिक रिक्षा चालकाने प्रवाशाची एक तोळे सोन्याची अंगठी केली परत; सांगवी पोलिसांनी पुष्पगुच्छ देऊन केला सत्कार…

श्रेयस पुरोहित हे आज रवींद्र देवकुळे यांच्या रिक्षातून सांगवी ते बावधन असा प्रवास करत होते. त्यांचं इच्छित स्थळ आल्यानंतर ते रिक्षातून उतरले. परंतु, याच घाईत त्यांची एक तोळे सोन्याची अंगठी हरवली. हे काही वेळाने लक्षात आले. त्यांनी अंगठी शोधण्याचा प्रयत्न केला. काही वेळाने ऑनलाइन रिक्षा बुक केल्याचं लक्षात आलं आणि त्यांनी रिक्षा चालकाला फोन करून याबाबत विचारणा केली. रिक्षा चालक रवींद्र देवकुळे यांनी रिक्षात शोधाशोध केल्यानंतर ती अंगठी सापडली.

सामाजिक कार्यकर्ते सुरेश सकट यांच्या सहकार्याने सांगवी पोलिसात जाऊन त्यांच्या समक्ष प्रवाशी पुरोहित यांना एक तोळा सोन्याची अंगठी खात्री करून प्रामाणिक रिक्षा चालक रवींद्र देवकुळे यांनी दिली आहे. यावेळी सांगवी पोलीस ठाण्यातील गुन्हे पोलीस निरीक्षक अमोल नांदेकर यांनी रवींद्र यांनी प्रामाणिकपणा दाखविल्याने त्याच कौतुक करत पुष्पगुच्छ देऊन सत्कार केला.