पुणे : पीएमपी प्रवासी तरुणीचा विनयभंग

या प्रकरणी नवनाथ संभाजी गिरी (वय १९, रा. चंदननगर, खराडी) याच्या विरोधात गुन्हा दाखल करण्यात आला आहे. याबाबत एका तरुणीने लोणीकंद पोलीस ठाण्यात फिर्याद दिली आहे. तक्रारदार तरुणी महापालिका भवन बसथांब्यावरुन नगर रस्त्याकडे जात होती.

प्रवासात आरोपी गिरीने तरुणीचा विनयभंग केला. तरुणीने आरडाओरडा केला. तेव्हा त्याने बसमध्ये तरुणीला धक्काबुक्की केली. नगर रस्त्यावर बस थांब्यावर बस थांबविण्यात आली. गिरी पसार झाला असून पोलीस उपनिरीक्षक मदे तपास करत आहेत.