पुणे : सामान्यांचा नाश्ता महाग झाला असून पोहे, भाजके पोहे, दगडी पोहे, पातळ पोह्यांच्या दरात वाढ झाली आहे. किरकोळ बाजारात पोहे, भाजके पोहे, दगडी पोहे, पातळ पोह्यांच्या दरात किलोमागे सरासरी तीन ते पाच रुपयांनी वाढ झाली असून कच्च्या मालाच्या तुटवडय़ामुळे दरवाढ झाल्याची माहिती व्यापाऱ्यांनी दिली.

या बातमीसह सर्व प्रीमियम कंटेंट वाचण्यासाठी साइन-इन करा

बाजारात कच्च्या मालाचा (धान किंवा साळ) तुटवडा जाणवत आहे. पोह्यांचे उत्पादन गुजरात आणि मध्य प्रदेश, छत्तीसगडमध्ये मोठय़ा प्रमाणावर केले जाते. कच्च्या मालाचा तुटवडा जाणवत असल्याने तेथील उत्पादक तसेच प्रक्रिया उद्योजकांनी (मिल) दरात वाढ केली आहे. जोपर्यंत कच्चा माल मोठय़ा प्रमाणात उपलब्ध होत नाही तोपर्यंत पोह्यांचे दर तेजीत राहतील, अशी शक्यता मार्केट यार्डातील व्यापारी सुमित गुंदेचा यांनी व्यक्त केली.

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Poha price hike in retail market zws
First published on: 30-01-2023 at 05:28 IST