पुणे- नाशिक महामार्गावरील ‘सरकार’ लॉजवर सुरू होता वेश्याव्यवसाय; पोलिसांनी टाकला छापा

पिंपरी चिंचवड पोलीस आयुक्तालयाच्या हद्दीमध्ये हॉटेल्स, लॉज आणि स्पाच्या नावाखाली वेश्या व्यवसाय सुरू असल्याच्या अनेक घटना समोर आलेले आहेत. अनैतिक मानवी वाहतूक प्रतिबंधक विभागाने संबंधित ठिकाणी छापे मारून अनेक तरुणींची यातून सुटका केलेली आहे. असं असताना पुणे- नाशिक महामार्गावरील हॉटेल ‘सरकार’ या ठिकाणी वेश्या व्यवसाय सुरू असल्याचं उजेडात आलं आहे. अनैतिक मानवी वाहतूक विभागाने बनावट ग्राहक पाठवून खरंच त्या ठिकाणी वेश्या व्यवसाय चालतो की नाही याची खात्री करून त्या ठिकाणी छापा टाकला. गेले काही महिन्यापासून हॉटेल सरकार इथे वेश्या व्यवसायाचा गोरख धंदा सुरू होता. पैशांची फूस लावून दोन तरुणींना या व्यवसायात ओढलं गेलं होतं. त्यांची अनैतिक मानवी वाहतूक विभागाने सुटका केली असून लॉज चालक आणि मालक यांच्यावर गुन्हा दाखल करण्यात आला आहे.

आणखी वाचा-पुणे : संगणक अभियंता ‘सेक्सटाॅर्शन’च्या जाळ्यात; १० लाखांची फसवणूक

ही कारवाई पोलीस आयुक्त विनयकुमार चौबे, अप्पर पोलीस आयुक्त वसंत परदेशी, पोलीस उपायुक्त स्वप्ना गोरे, सहाय्यक पोलीस आयुक्त (गुन्हे) सतीश माने यांच्या मार्गदर्शनाखाली पोलीस निरीक्षक देवेंद्र चव्हाण, पोलीस उपनिरीक्षक प्रदीप सिंह सिसोदे, धैर्यशील सोळंके, विजय कांबळे, सुनील शिरसाट, सुधा टोके, भगवंता मुठे, मारुती करचुंडे, गणेश कारोटे, वैष्णवी गावडे, संगीता जाधव आणि सोनाली माने यांच्या टीमने केली आहे.