पुणे : धरणक्षेत्रांत संततधार सुरूच; पाणीसाठा ३० टक्क्यांवर

रविवारी रात्रीपासून सोमवारी सकाळपर्यंत टेमघर धरण क्षेत्रात ७५ मिलिमीटर, वरसगाव धरण परिसरात ७४ मि.मी, पानशेत धरण परिसरात ८५ मि.मी, तर खडकवासला धरण क्षेत्रात १८ मि.मी पावसाची नोंद झाली आहे. सध्या खडकवासला धरणसाखळी प्रकल्पात ८.७० अब्ज घनफूट (टीएमसी) म्हणजेच २९.८५ टक्के पाणीसाठा जमा झाला आहे.

रविवारी रात्री चारही धरणांत ८.१९ टीएमसी पाणीसाठा होता. रविवारी रात्रीच्या तुलनेत सोमवारी सकाळी ०.५१ टीएमसीने पाणीसाठ्यात वाढ झाली आहे, असे जलसंपदा विभागाकडून सांगण्यात आले.