पुणे : हडपसर भागात मैत्रिणीचा गळा दाबून खून करण्यात आल्याची धक्कादायक घटना घडली आहे. मैत्रिणीचा खून केल्यानंतर तो पोलीस ठाण्यात हजर झाला आहे. अनिता लोंढे (२७) असे खून झालेल्या तरुणीचे नाव आहे. याप्रकरणी आरोपी राहुल शिवाजी मिसाळ याला ताब्यात घेण्यात आले आहे.
पोलिसांनी दिलेल्या माहितीनुसार, हडपसर भागातील भंडलकरनगर शेवळवाडी येथे ही घटना घडली आहे. अनिता आणि आरोपी राहुल हे एकत्र राहत होते. आरोपी याने त्याची मैत्रीण अनिता हिचा गळा दाबून खून केला आहे. त्यानंतर तो यवत पोलीस ठाण्यात हजर झाला, अशी माहिती हडपसर पोलीस ठाण्याचे वरिष्ठ पोलीस निरीक्षक संजय मोगले यांनी दिली.
